Źjaviŭsia trejler «Maładoha Šerłaka» — sieryjała ad Haja Ryčy. Sieryjał startuje na servisie Amazon Prime 4 sakavika. Usiaho płanujecca vosiem epizodaŭ.
U trejlery pakazvajuć asnoŭnych piersanažaŭ sieryjała i asnoŭnyja padziei.
U pieršym siezonie budzie raskazana pra pieršuju spravu — junaku daviadziecca raskryć zabojstva ŭ Oksfardzie.
Maładoha Šerłoka Chołmsa syhraŭ Chira Fajns Cifin (plamieńnik Rejva Fajnsa), a jahonaha praciŭnika Maryjarci — Donał Fin.
Buduć pakazanyja baćki Šerłaka (baćku syhraje inšy dziadźka Chira — Džozef Fajns), a taksama jaho brat Majkraft.
U kananičnym Chomłsie (apaviadańniach i apovieściach Artura Konan Dojła) nijakich apaviadańniaŭ pra maładyja hady syščyka niama.
Praŭda, u druhoj pałovie XX stahodździa i našyja hady jość niamała pierajmalnikaŭ A.K.Dojła, u tym liku aficyjna pryznany siamjoj piśmieńnik, scenaryst i pradziusar Entani Horavic, jaki napisaŭ niekalki ramanaŭ: u tym liku «Dom šoŭku» i «Maryjarci», a taksama Endzi Łejn — aŭtar ramanaŭ pra maładoha Šerłaka, pa jakim źniaty budučy sieryjał.
Haj Ryčy źniaŭ u 2009 i 2010 hadach dva filmy: «Šerłak Chołms» i «Šerłak Chołms: Hulnia cieniaŭ» z Robiertam Daŭni-małodšym u hałoŭnaj roli. Vatsana syhraŭ Džud Łou, Iren Adler — Rejčeł Makadams, Majkrafta Chołmsa — Styvien Fraj, a Maryjarci — Džared Charys.
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary
Čamusci mala dajuc infarmacyi i zviartajuc uvahu hliedačoū na realistyčnyja filmy, z realnaha žyccia. Takoha roznaha žyccia, z roznymi liudzmi, ich učynkami, dumkami, akaličnasciami i reakcyjaj na ich. Nia viedaju, jak patlumačyc, idzie niajkaja padmiana, niejkaje smieccie na hluzdy, niejkija šabliony byccia i cudy fantastyki.
Pahliadzicie, napryklad: "Bačnasc hnievu", heta nie kamiedyja, alie i smiešnaha tam budzie, "Amierykanskaja pastaral", ciažki film, alie realistyčny, u padobnych varunkach (chaj i na inšaj bazie) moža apynucca kožny, "U palonie maraū" - uvohulie nie čakaū, što brytyšy mohuc rabic jakasnaje kino... :)
Bačnaść hnievu (The upside of anger)
Amierykanskaja pastaral (American pastoral)
U pałonie nadziejaŭ ( Hope gap)
Jašče ŭzhadaŭ na adzin (The Butler)
Ich šmat hodnych filmaŭ, usie adrazu nie ŭznavić u pamiaci, ale pra ich nikoli nia pišuć tut... Rekamienduju.