Kitaj upieršyniu ŭvodzić hrašovyja vypłaty na dziaciej — 500 dalaraŭ u hod za kožnaje dzicia da troch hadoŭ
U sprobie spynić demahrafičny spad i aktyvizavać spažyviecki popyt Kitaj zapuskaje ahulnanacyjanalnuju prahramu štohadovych dziciačych subsidyj. Novaja miera zakranie bolš za 20 miljonaŭ siemjaŭ štohod.
Jak paviedamlaje vydańnie The Financial Times sa spasyłkaj na dziaržaŭnaje infarmacyjnaje ahienctva Kitaja «Sińchua», urad hetaj krainy zapuskaje ahulnanacyjanalnuju prahramu dziciačych subsidyj.
Jana praduhledžvaje štohadovyja vypłaty siemjam u pamiery 3 600 juaniaŭ (503 dalary ZŠA) u hod za kožnaje dzicia va ŭzroście da troch hadoŭ.
Subsidyja achopić usich dziaciej, jakija naradzilisia pačynajučy sa studzienia 2025 hoda. Siemji, dzie dzieci naradzilisia ŭ pieryjad z 2022 pa 2024 hod, taksama zmohuć pretendavać na častkovyja vypłaty.
Ekśpierty adznačajuć, što novaja miera zakranie bolš za 20 miljonaŭ siemjaŭ štohod. Pa słovach pradstaŭnika Nacyjanalnaj kamisii achovy zdaroŭja Kitaja, pramyja hrašovyja vypłaty pavinny «źnizić finansavuju nahruzku na vychavańnie dziaciej» i «źmiakčyć strachi maładych par pierad baćkoŭstvam».
Prahrama stała adkazam na rezkaje źmianšeńnie nasielnictva. U 2024 hodzie ŭ Kitai naradziłasia ŭsiaho 9,5 miljona dziaciej — usiaho pałova ad maksimumu 2017 hoda (17,9 miljona).
Nasupierak admienie palityki adnaho dziciaci ŭ 2016 hodzie, kraina ŭžo treci hod zapar fiksuje skaračeńnie nasielnictva: u 2024 hodzie kolkaść śmierciaŭ skłała 10,9 miljona čałaviek.
Prahrama subsidyj pavinna častkova źmiakčyć efiekt słaboha ŭnutranaha popytu. Aficyjny rost VUP Kitaja ŭ druhim kvartale skłaŭ 5,2%, ale deflacyjnyja tendencyi źnizili naminalny rost da 3,9%. Raniej na praciahu niekalkich miesiacaŭ hučali zakliki da ŭładaŭ zrabić kroki pa pavieličeńni chatnich vydatkaŭ.
Choć suma subsidyi pakul nievialikaja i naŭrad ci nieadkładna paŭpłyvaje na naradžalnaść abo spažyvańnie, ekśpierty adznačajuć jaje značeńnie jak pieršaha kroku da bolš šyrokich dziaržaŭnych tranśfiertaŭ. Tak, ekanamist kampanii Capital Economics Czyčun Chuan (Zichun Huang) padkreślivaje, što «heta važny precedent, jaki moža pakłaści pačatak bolš šyrokim hrašovym stymułam dla chatnich haspadarak».
U asobnaj zajavie, apublikavanaj «Sińchua», daśledčyk z Kitajskaj akademii fiskalnych navuk Čžu Kun (Zhu Kun) paviedamiŭ, što hadavaja vypłata na dzicia była vyznačana z ulikam suśvietnych standartaŭ, jakija zvyčajna składajuć ad 2,4% da 7,2% VUP na dušu nasielnictva.
Za hod naradžalnaść u Kitai źniziłasia na 15%. Histaryčny antyrekord
Praz 70 hadoŭ nasielnictva Kitaja moža skaracicca ŭdvaja. Jak palityka adnaho dziciaci traŭmavała miljony žančyn
«Kitajcy biarucca šlubami sa słaviankami, bo heta tanna». Biełaruska pierajechała ŭ Kitaj, a ciapier u svaim błohu raskazvaje pra žyćcio tam
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram25
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary