Vyjšaŭ na svabodu miedyjamieniedžar i były futbalist Siarhiej Kapaniec
Jon pravioŭ za kratami amal piać hadoŭ, apošnija hady — u turemnych umovach.
Palitviazień Siarhiej Kapaniec całkam adbyŭ pryznačaje pakarańnie — 5,5 hoda źniavoleńnia. Pra svajo viartańnie jon paviedamiŭ u sacsietkach.
Siarhiej Kapaniec byŭ členam inicyjatyŭnaj hrupy Viktara Babaryki, źbiraŭ podpisy ŭ Pieršamajskim rajonie Minska. Mužčyna byŭ aryštavany 11 žniŭnia 2020 hoda, jamu inkryminavali ŭdzieł u pratestach i «arhanizacyju biesparadkaŭ». Kapanca paličyli adnym ź lidaraŭ pratesnaha ruchu Uručča.
Jaho abvinavačvali ŭ tym, što dapamahaŭ Ściapanu Puciłu, Ramanu Pratasieviču i inšym asobam u «arhanizacyi masavych biesparadkaŭ», što vyjaviłasia ŭ pieradačy infarmacyi ŭ bot Niechty, a taksama ŭ raspaŭsiudžvańni ŭlotak, pieradadzienych jamu Juryjem Vaskrasienskim. Kapaniec nie pryznaŭ vinu.
Sudździa Viktoryja Šabunia pakarała jaho piaćciu z pałovaj hadami kałonii. Kapaniec trapiŭ u navapołackaj kałonii №1, administracyja jakoj na kaniec studzienia 2023 hoda źmiaščała Siarhieja ŭ ŠIZA ahułam na 150 sutak.
Letam 2023 hoda Kapanca pieraviali na turemny režym da kanca terminu. Jon vyzvalaŭsia z turmy №4 Mahilova.
Siarhieju Kapancu 50 hadoŭ. Jon były prafiesijny futbalist. U 1997-1998 hadach jon pravioŭ 36 matčaŭ u Vyšejšaj lizie, hulaŭ za «Maładziečna» i słonimski «Kamunalnik». Paśla skančeńnia karjery pajšoŭ u miedyjabiznes. Pracavaŭ kamiercyjnym dyrektaram «Alfa-Radyjo». Paśla byŭ dyrektaram rekłamnaha ahienctva «Prajm miedyja hrup», hałoŭnym redaktaram telekanała TV RAY.
Kamientary
Vsie budiet norm.