Były kupałaviec Charłančuk žyvie ŭ Rasii i zdymajecca ŭ «patryjatyčnych» sieryjałach
Paśla zvalnieńnia z Kupałaŭskaha teatra ŭ 2020 hodzie za hramadzianskuju pazicyju Pavieł Charłančuk pierajechaŭ u Rasiju i z 2021 hoda pracuje ŭ Maskoŭskim hubiernskim teatry pad kiraŭnictvam Siarhieja Biazrukava. Tam jon udzielničaje ŭ niekalkich śpiektaklach: «Najšła kasa na kamień», «Bieź viny vinavatyja», «Višniovy sad» i inšych. Ale ihroj u teatry jahonaja praca ŭ Rasii nie abmiažoŭvajecca, piša Reform.news.
Akramia teatralnaj sceny, Charłančuk aktyŭna zdymajecca ŭ rasijskich filmach i sieryjałach. Siarod jaho apošnich rabot — rola vampira ŭ sieryjale «Vampiry siaredniaj pałasy», a taksama ŭdzieł u vajennych «patryjatyčnych» sieryjałach, naprykład «Pa śledzie źviera», «Kaciuša», «Źniščalniki. Bitva za Krym». U 2025 hodzie jon źjaviŭsia ŭ detektyŭnym sieryjale «Taksapark №13», dzie hraje inśpiektara, jaki šukaje zabojcu svajoj žonki.
Choć Pavieł zastajecca prafiesijnym akcioram navat u kamiercyjnych ci ideałahična sprečnych prajektach, jaho ŭdzieł u filmach z vajskova-prapahandysckim źmiestam vyklikaje supiarečlivyja pačućci, asabliva na fonie jahonaj raniejšaj hramadzianskaj pazicyi.
Kalehi akciora ad kamientaryjaŭ zbolšaha ŭchilajucca, adnak niekatoryja miarkujuć, što ŭ jaho byŭ składany pieryjad u žyćci, uklučajučy razvod, i vierać, što jon maje svaje pryčyny na taki vybar.
U asabistym žyćci Pavieł — baćka piaciarych dziaciej, dvoje ź jakich pryjomnyja.
Hanna Južakova raspaviała, jak heta — znoŭ hrać na zdymkach siamju z byłym mužam Paŭłam Charłančukom
Akcior Pavieł Charłančuk raźvioŭsia z žonkaj — aktrysaj Hannaj Južakovaj
«U Kupałaŭskim ciapier pracujuć ludzi, jakija raniej kazali: navošta heta biełaruskaja mova?» Vialikaja hutarka z Paŭłam Charłančukom
Zorka Kupałaŭskaha Pavieł Charłančuk pierajechaŭ u Maskvu i pracuje ŭ teatry Siarhieja Biazrukava
Kamientary
z centra eŭropy , ardynskuju hubierniu, jaho ŭzrovień ))