U Barysavie pasprabavali adradzić dyskateki dla moładzi. Ale nie pa kani korm
U Barysavie pasprabavali adnavić tradycyju moładzievych dyskatek, pravioŭšy pieršuju takuju viečarynu ŭ haradskim parku. Arhanizatary spadziavalisia na zacikaŭlenaść, bo daŭniej takija mierapryjemstvy byli vielmi papularnyja. Adnak čakańni nie apraŭdalisia, piša Ex-press.live.
Choć moładzi ŭ parku było šmat, na tancplacoŭcy amal nichto nie tancavaŭ, navat pry ŭvachodzie ŭsiaho za 5 rubloŭ.
Miascovy tyktokier Paška Błohier vykazaŭ mierkavańnie, što pieršaja dyskateka musiła być biaspłatnaj, kab zacikavić ludziej i viarnuć atmaśfieru minułych hadoŭ.
U siecivie paśla taho razharełasia dyskusija. Adnyja nastalhujuć pa časach, kali moładź masava hulała i tancavała ŭ parku, a inšyja ličać, što ciapier moładź zacikaŭlenaja zusim u inšym.
Niekatoryja kamientatary skardziacca na kiepski stan placoŭki: pabity asfalt, staroje abstalavańnie, adsutnaść padśviatleńnia. Inšyja ličać, što ciapier patrebnyja novyja farmaty adpačynku — bary, kaviarni, anłajn-placoŭki, bo sučasnaja moładź žyvie inšymi intaresami.
Arhanizatary pakul nie davali publičnych kamientaroŭ pra vyniki dyskateki.
«Nichto nie maje prava zabaranić mnie abniać dzicia». Minčanka ździviłasia strohim praviłam u dziciačym letniku
U Barysavie prapanavali pravieści dyskateku ŭ navušnikach. Ci hatovyja haradžanie tancavać u cišyni?
Praŭładnaja błohierka z Barysava paprasiła padpisčykaŭ padzialicca prablemnymi pytańniami. I joj ich nakidali
Łukašenka dazvoliŭ achoŭnikam nadhladać naviedvalnikaŭ načnych kłubaŭ
Kamientary