Handlovym sietkam dazvolili pašyracca ŭ vaśmi rajonach biez abmiežavańniaŭ pa doli ŭ tavarazvarocie
Alaksandr Łukašenka padpisaŭ Ukaz, nakiravany na stvareńnie dadatkovych umoŭ dla raźvićcia handlu na terytoryi sielskaj miascovaści vaśmi rajonaŭ, paviedamlaje jaho pres-słužba.
U hety śpis uvajšli Brasłaŭski, Vilejski, Haradocki, Dubrovienski, Kaściukovicki, Tałačynski, Chocimski i Šarkaŭščynski rajony.
Paviedamlajecca, što ŭkaz daje mahčymaść pašyrać handlovyja płoščy subjektam handlu, dola jakich u abjomie roźničnaha tavarazvarotu ŭ miežach ukazanych rajonaŭ pieravyšaje 20%.
U lipieni 2018 hoda anałahičnaje abmiežavańnie było źniata na terytoryi Aršanskaha rajona, što, jak zaznačajecca, akazała pazityŭny ŭpłyŭ na handlovaje absłuhoŭvańnie nasielnictva.
Adnačasova sučasnym ukazam zamacoŭvajecca mahčymaść pavieličeńnia handlovaj płoščy tolki paśla zaklučeńnia z adpaviednym rajvykankamam dahavora ab arhanizacyi handlovaha absłuhoŭvańnia nasielnictva i abaviazkovym uzhadnieńni z rajvykankamami maršrutaŭ ruchu aŭtakramaŭ, jakija ažyćciaŭlajuć handal u sielskaj miascovaści.
Taksama ŭkazam pakładajecca piersanalnaja adkaznaść na kiraŭnikoŭ orhanaŭ ułady za niezadavalnialnaje handlovaje absłuhoŭvańnie nasielnictva, na kiraŭnikoŭ jurydyčnych asob — za nienaležnuju arhanizacyju roźničnaha handlu.
Ciapier čytajuć
Pamiatajecie fota z muskulistym biełarusam, jaki ŭ 2020-m išoŭ u sčepcy z amapaŭcam? Ciapier jon zdymajecca ŭ kino ŭ Anhlii1
Kamientary