Drać ci tarkavać? Kapać ci vybirać? Raźbirajemsia ŭ biełaruskaj bulbie

Jak drać i čyścić bulbu

Na bolšaj častcy Biełarusi bulbu dziaruć. Na Hrodzienščynie, Brestčynie i Paleśsi kažuć nie «drać bulbu», a cierci bulbu. Na poŭdni Hrodzienščyny bulbu šarujuć. U cientralnaj Biełarusi raspaŭsiudžany vyraz «tarkavać bulbu».

A jak ža čyścić bulbu pa-biełarusku? Na Homielščynie bulbu łupiać. Na Mahiloŭščynie i centralnaj Biełarusi bulbu čyściać. U centralnaj Biełarusi, Hrodzienščynie i Brestčynie — abirajuć. A taksama na Minščynie možna pačuć, što bulbu struhajuć i abrazajuć. Na poŭdni Minščyny i Viciebščynie bulbu skrabuć i skablać.

Bulbu kapajuć, vybirajuć ci ryjuć?

U Biełarusi samaj raspaŭsiudžanaj formaj źjaŭlajecca słova kapać. Kropkava pa ŭsioj terytoryi krainy bulbu vybirajuć. A na Mahiloŭščynie sustrakajecca vyraz ryć bulbu.

A jak nazvać kust bulby?

Kust bulby jak nazva vykarystoŭvajecca na poŭdni Hrodzienščyny, na Minščynie i Mahiloŭščynie.

Na poŭdni Biełarusi najbolš raspaŭsiudžanaja nazva kusta bulby — heta korč. A na poŭdni Minščyny vykarystoŭvajuć słova ciaciŭka.

Na Homielščynie i poŭnačy Biełarusi kust bulby nazyvajecca kaliva. Na Brasłaŭščynie kust bulby nazyvajuć koraniem. A na Viciebščynie na miažy z Pskoŭskaj vobłaściu Rasii jość rehijanalizm hniazdo.

Jak nazyvajuć łupinu ad bulby

Słova łupina daminuje ŭ Zachodniaj Biełarusi. U centralnaj častcy i na ŭschodzie bolš raspaŭsiudžanaje słova šałupajki. Na Mahiloŭščynie, na pamiežžy z Rasijaj, vykarystoŭvajuć słova šałucha.

Na poŭnačy Homielščynie jość rehijanalizm šałuški. A na Paleśsi možna čaściakom pačuć abrezki, a jašče čaściej łušpajki.

Na Viciebščynie isnuje jašče bolš rehijanalnych słoŭ, jakija abaznačajuć łupinu razam z šałuchoj i šałuškami: šarłuški, škarłupki, askrobki, šałupajki.

Bulbianaja kaša

Na Brestčynie bulbianuju kašu nazyvajuć taŭkanica.

Na poŭdni Hrodzienščyny bulbianuju kašu tak i nazyvajuć kašaj.

Na Viciebščynie jana nazyvajecca kamami. Tak jana nazyvajecca na Mahiloŭščynie i Homielščynie.

Adnak na Paleśsi isnujuć roznyja varyjacyi: toŭčanaja bulba, takmačy, koŭma. Na Homielščynie taksama prysutničajuć takija nazvy jak taŭčonka, toŭčanka.

Na Minščynie jość dźvie ŭkaraniełyja słovy — kamiaki i kaša bulbianaja.

Bulbiany sup

Najbolš raspaŭsiudžanaj nazvaj bulbianoha supu jość bulon. Heta nazva jość na ŭsioj terytoryi Biełarusi. Ale ŭ bulbianoha supu jość šerah rehijanalizmaŭ.

Naprykład, na Brestčynie jon nazyvajecca prosta supam, kryšanami.

Na Hrodzienščynie taki sup nazyvajecca ščołakam. A na Mahiloŭščynie i častcy Homielščynie žydkaj bulbaj. Na poŭdni Homielščyny možna było pačuć i juška.

• 3
• 0
• 0
• 0
• 0
• 0
• 0
• 0