«Znajšli tolki adzin pačak — vypadkova». Z prodažu źnikła papularnaja dziciačaja hipaalerhiennaja sumieś
Karystalnica Threads paskardziłasia, što ŭ kramach Homiela niemahčyma znajści dziciačuju sumieś «Biełłakt Hipaalerhienny Active 1», pryznačanuju dla karmleńnia dziaciej da 6 miesiacaŭ z ryzykaj raźvićcia alerhii. Paźniej vyśvietliłasia, što taja ž situacyja — u Hrodnie, piša Hrodna.life.
«Abjechała ŭvieś Homiel — nidzie niama patrebnaj sumiesi», — napisała maładaja mama.
«My taksama paŭtary hadziny jeździli pa Hrodnie, znajšli tolki adzin pačak — vypadkova, na inšym kancy horada», — dadała inšaja karystalnica.
Dziaŭčyna patelefanavała na zavod «Biełłakt». Tam joj raskazali, što na pradpryjemstvie sumiesi niama. Jaje znoŭ pačnuć vyrablać z 13 žniŭnia. U kramach pradukt pavinien źjavicca praź niekalki dzion paśla zapusku linii.
«Ja ŭ šoku, apošnija 10 pačkaŭ zabrała ŭ «Dziciačym śviecie», i ciapier znoŭ niama. Chutčej za ŭsio, na składzie ŭ kramach reštki buduć, pytańnie tolki — kali heta źjavicca na pryłaŭku. Spadziajusia, choć novuju partyju paśpiejuć zapuścić», — napisała ŭ halincy abmierkavańnia aŭtarka pasta.
Tym časam, pa słovach kamientataraŭ, inšyja baćki taksama šukajuć sumieś u čatach i prosiać dapamohi ŭ znajomych.
U Minsku, pa paviedamleńniach karystalnikaŭ, «Biełłakt Hipaalerhienny Active 1» jašče možna było znajści. Niekatoryja prapanoŭvali dziaŭčynie kupić u stalicy sumieś i pieradać joj u abłasny centr.
Na sajcie vytvorcy hetaj sumiesi dla dziaciej da 6 miesiacaŭ niama ŭ prodažy. U najaŭnaści — tolki hipaalerhiennyja pradukty dla dziaciej ad 6 miesiacaŭ i ad hoda.
Darečy, na samim pradpryjemstvie rajać pierachodzić na inšuju sumieś pastupova, kab dać čas straŭnikava-kišečnamu traktu dziciaci pryvyknuć da novaha charčavańnia. Pry hetym moža być situacyja, kali novaje charčavańnie nie padychodzić dziciaci i ŭ jaho mohuć być vanity, dyjareja, boli ŭ žyvacie, mlavaść, vysypka, razdražnieńnie skury, a taksama strata vahi abo prablemy z naboram jaje.
U takim vypadku śpiecyjalisty rajać źviartacca da lekara, tamu što, chutčej za ŭsio, novy pradukt nie padychodzić i treba padbirać novuju sumieś.
Kolki kaštuje chatniaja aptečka ŭ Biełarusi, Litvie i Polščy? Paraŭnali ceny
Dabaŭki z kałahienam stali papularnyja ŭ žančyn. Ale ci pracujuć jany? Voś što pakazvajuć daśledavańni
Navukoŭcy raspracavali vakcynu ad alerhii na katoŭ
U Biełarusi apošni čyrvony ŭzrovień niebiaśpieki z-za pyłku. Heta vielmi mocny alerhien
Prymać duš lepš uviečary, a nie zranku — voś čamu
Kaśpiaroviča pierad hibiellu dapytvali ŭ polskaj kontrraźviedcy — raspytvali pra vizy dla ahientaŭ AAC z pašpartami prykryćcia i pra Bulbu27
Kamientary