Biełaruski futbalist: Adkryty dla prapanovaŭ hulać za zbornuju Polščy
Biełaruski paŭabaronca «Miedzi» (druhi polski dyvizijon) Hleb Kučka padzialiŭsia mierkavańniem pra mahčymaść vystupleńnia za zbornuju Polščy.
Hleb užo paŭhoda źjaŭlajecca hramadzianinam Polščy i spadziajecca, što, rehularna hulajučy za «Miedź», atrymać mahčymaść trapić u maładziožnuju zbornuju Polščy, piša football.by.
«Trenier zbornaj U-20 užo cikaviŭsia mnoj. Jon spytaŭ, ci nie chaču ja hulać za Polšču. Raniej ja hulaŭ za maładziožnuju zbornuju Biełarusi, ale adkryty dla prapanovy vystupać za bieła-čyrvonych. Pahladzim, što z hetaha atrymajecca», — skazaŭ Hleb Kučka.
Hleb naležyć kłubu «Visła» z Płocka, što vyjšła ŭ polskuju ekstrakłasu (vyšejšy dyvizijon), ale ŭ vyšejšym dyvizijonie jon nie zhulaje, bo addadzieny ŭ arendu ŭ «Miedź» z D2.
U polskaj ekstrakłasie sioleta hulajuć dva biełaruskija futbalisty: Illa Škuryn («Lehija») i Hierman Barkoŭski («Piast»), u druhim dyvizijonie — try biełarusy (Hleb Kučka («Miedź», Anton Čyčkan («Visła», Krakaŭ), Uładzisłaŭ Krasoŭski («Stal», Žešuŭ), u trecim dyvizijonie — dva, čaćviortym — vosiem.
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja5
Kamientary