Abjadnany pierachodny kabiniet uznaharodziŭ akcioraŭ Zoju Biełachvościk i Aleha Harbuza miedalami Skaryny
Abjadnany pierachodny kabiniet pryniaŭ rašeńnie ŭznaharodzić šerah vybitnych asob Adpaviednuju pastanovu 7 žniŭnia 2025 hoda padpisała kiraŭnica Kabinieta Śviatłana Cichanoŭskaja.
Miedalom «Za plonnuju pracu na karyść Biełarusi» ŭznaharodžvajucca: Fabia Franki — italjanski prafsajuzny dziejač, hienieralny sakratar CISL Fłarencyja-Prata; Antonia Čerkua — prafsajuzny i hramadski dziejač; Taavie Siot Vachermiahi — hramadski dziejač, śpiecyjalist u śfiery biźnies— kansałtynhu i mižkulturnaj kamunikacyi; Sirle Siot — hramadskaja dziajačka, kiraŭnica Estonskaha domu ŭ Šviecyi.
Miedalom Francyska Skaryny za vysokija dasiahnieńni ŭ svajoj dziejnaści ŭznaharodžvajucca: Aleh Harbuz — biełaruski akcior teatra i kino; Zoja Biełachvościk — biełaruskaja aktrysa teatra i kino; Viačasłaŭ Cieleš — mastak, piedahoh, krajaznaŭca i hramadski dziejač.
Miedalom «Honar i hodnaść», jaki prysudžajecca tym, chto addaŭ svajo žyćcio ci ryzykavaŭ im u zmahańni za svabodu, nacyjanalnyja kaštoŭnaści, demakratyju i pravy čałavieka, uznaharodžvajecca Siarhiej Pielasa — biełaruski žurnalist, viadoŭca.
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary