Hienprakuratura zajaviła, što ŭ łahiery śmierci «Traścianiec» było źniščana 546 tysiač čałaviek, što ŭ 2,5 razy bolš, čym ličyłasia raniej
Hienprakuratura zajaviła, što «jurydyčna paćvierdžany» fakt źniščeńnia ŭ łahiery śmierci «Traścianiec» nie mienš jak 546 tysiač čałaviek, a nie 206,5 tysiačy, jak ličyłasia raniej.
Jak zajaviła pres-słužba, hienprakuratura inicyjavała «aktualizacyju źviestak» ab kolkaści zahinułych u samym bujnym na akupiravanaj terytoryi SSSR łahiery śmierci «Traścianiec».
«U vyniku pryniatych mier sistema pachavańniaŭ łahiera śmierci (uročyščy «Błahaŭščyna», «Šaškoŭka», pablizu vioski Mały Traścianiec) pastaŭlena na dziaržaŭny ŭlik i paspartyzavana adzinym kompleksam z ahulnaj kolkaściu pachavanych nie mienš jak 546 tysiač čałaviek, a nie 206,5 tysiačy, jak ličyłasia raniej», — paviedamili ŭ Hienprakuratury.
Hienprakuratura zapatrabavała zabiaśpiečyć daviadzieńnie da hramadskaści «poŭnaj i dakładnaj infarmacyi ab realnych maštabach trahiedyi i nastupstvach hienacydu biełaruskaha naroda», havorycca ŭ paviedamleńni.
Kamientary
Naščadki chomo-saviecikus nie šanujuć savieckuju spadčynu?
Hetaja ličba niejak padobnaja da ličby biełarusaŭ źjechaŭšych z sasuda stabilnaści ŭ apošnija hady? Ci buduć nastupstvy i adkaznaść dla tych, čyi dziejańni stali čyńnikam hetaha? pytańniečka!