Kerałajn Levit: Mahčyma, u budučyni płanujecca pajezdka Trampa ŭ Rasiju
Pres-sakratarka Biełaha doma Kerałajn Levit pravodzić pres-kanfierencyju, pryśviečanuju majučaj adbycca sustrečy Donalda Trampa z Uładzimiram Pucinym, zapłanavanaj na piatnicu na Alascy.
Pavodle słoŭ pres-sakratarki Trampa, sustreča adbudziecca ŭ Ankorydžy — hałoŭnym horadzie Alaski.
Kerałajn Levit padkreśliła, što hałoŭnaja meta hetaj sustrečy — sproba pakłaści kaniec vajnie i spynić hvałt.
Tłumačačy, čamu na pieramovy nie byŭ zaprošany Uładzimir Zialenski, pres-sakratarka zajaviła, što inicyjatyva pachodziła ad Pucina. Tramp, maŭlaŭ, pahadziŭsia na sustreču mienavita pa jahonaj prośbie, kab lepš zrazumieć, jak možna pakłaści kaniec vajnie. Raskryvać detali niadaŭniaj razmovy Trampa ź Zialenskim Levit admoviłasia.
Pavodle jaje słoŭ, razmova Trampa z Pucinym budzie vieścisia adzin na adzin.
Na pytańnie. jak Tramp budzie aceńvać pośpiech sustrečy i ci hatovy jon spynić pieramovy ŭ vypadku niaščyraści Pucina, pres-sakratarka adkazała, što «nie chacieła b rabić zdahadak».
Hetaja sustreča, dadała Levit, «mahčymaść vysłuchać adzin z bakoŭ kanfliktu i atrymać bolš dakładnaje razumieńnie šlachoŭ da miru». Jana taksama paćvierdziła, što ŭžo jość płany datyčna budučaj pajezdki Trampa ŭ Rasiju.
«Mahčyma, u budučyni płanujecca pajezdka Trampa ŭ Rasiju, ale ŭ piatnicu Tramp sustreniecca z Pucinym na Alascy», — skazała Levit.
Kamientary
Mabyć jak jašče adna ziamlačka pa maci Monika