Tramp na pieramovach z Pucinym pastarajecca viarnuć Ukrainie častku akupavanych terytoryj
Pa słovach prezidenta ZŠA Donalda Trampa na bryfinhu ŭ Biełym domie, rasijanie zaniali šerah kaštoŭnych ukrainskich terytoryj, i častku ź ich jon pasprabuje viarnuć. Pry hetym Tramp adznačyŭ, što moža naohuł vyjści ź mirnaha pracesu.
Sustreču z Pucinym Tramp nazvaŭ probnaj. Jon dapuściŭ narmalizacyju handlovych adnosin z Rasijaj paśla padpisańnia mirnaha pahadnieńnia.
Jašče Tramp u čarhovy raz uskłaŭ adkaznaść za vajnu i na Uładzimira Zialenskaha:
«Ja ź im dobra ładžu, ale ja zusim nie zhodny z tym, što jon zrabiŭ. Całkam nie zhodny. Heta vajna, jakoj nie pavinna było być».
Taksama jon pierakazaŭ u svojeasablivaj formie naratyŭ rasijskaj prapahandy pra «Kijeŭ za try dni»:
«Rasijanie byli b u Kijevie praz 4 hadziny, kali b jechali pa šašy. Ale rasijski hienierał vyrašyŭ prajechać praź sielskahaspadarčyja ŭhodździ».
Pry hetym prezident ZŠA zajaviŭ, što va Ukrainie ŭ adpaviednaści z apytańniami nibyta 88% žycharoŭ chočuć zaklučeńnia ździełki ab miry z Rasijaj.
Što da Rasii, to jana
«kraina, jakaja vajuje. Mienavita hetym jany i zajmajucca, jany viaduć šmat vojnaŭ. Jany pieramahli Hitlera i Napaleona».
Tramp zajaviŭ, što ŭ piatnicu «pajedzie ŭ Rasiju»
Čamu mienavita Alasku abrali dla samitu Trampa i Pucina pa Ukrainie
Hienieralny sakratar NATA: Status ukrainskich terytoryj abmiarkoŭvać daviadziecca
ZŠA majuć namier złamić spažyŭcoŭ rasijskaj nafty ŭ vypadku pravału ŭrehulavańnia vajny va Ukrainie
Pasoł Ukrainy ŭ ZŠA: Usia Ukraina molicca, kab Tramp na pieramovach dasiahnuŭ vydatnych vynikaŭ
Kamientary