Alaska — addaleny amierykanski štat, da jakoha nialohka dabiracca i prezidentu ZŠA Trampu, i prezidentu Rasii Pucinu, ale vybar miesca sustrečy dvuch lidaraŭ adlustroŭvaje mnostva faktaraŭ, piša Guardian.
Zapłanavany na piatnicu samit pamiž Uładzimiram Pucinym i Donaldam Trampam projdzie na Alascy — miescy, jakoje adnolkava niazručnaje dla abodvuch lidaraŭ. Pavodle rasijskaha daradcy pa źniešniaj palitycy Juryja Ušakova, vybar «całkam łahičny», bo ZŠA i Rasiju padzialaje ŭsiaho 55 mil pa Bieranhavym pralivie. Adnak šlach z Maskvy ŭ Ankorydž zajmaje kala dzieviaci hadzin lotu, a z Vašynhtona — amal vosiem.
Alaska znachodzicca daloka ad Ukrainy i jaje jeŭrapiejskich sajuźnikaŭ, što moža adsunuć ich intaresy na druhi płan.
Choć Tramp, nibyta, i hatovy dapuścić udzieł Uładzimira Zialenskaha, ciažka ŭjavić, kab Pucin pahadziŭsia na heta, bo jaho meta — vieści niepasrednyja pieramovy z prezidentam ZŠA pa pytańniach sankcyj, handlu i roli NATA ŭ Jeŭropie, a taksama abmiarkoŭvać svaju prapanovu pa terytaryjalnych sastupkach Ukrainy ŭ abmien na spynieńnie ahniu.
Vybar Alaski taksama tłumačycca biaśpiekaj dla Pucina, suprać jakoha Mižnarodny kryminalny sud vydaŭ order na aryšt za vajennyja złačynstvy, źviazanyja z departacyjaj ukrainskich dziaciej u 2023 hodzie.
Ni ZŠA, ni Rasija nie pryznajuć jurysdykcyju hetaha suda, i maršrut praz Arktyku paźbiahaje pieralotaŭ nad «niadružalubnymi» krainami.
Raniej amierykana-rasijskija i amierykana-savieckija samity časta prachodzili ŭ «prachałodnych» miescach — naprykład, u Chielsinki ŭ 2018 hodzie, dzie Tramp zaznaŭ krytyku za zajavu, što daviaraje Pucinu bolš, čym ułasnym śpiecsłužbam.
U časy «chałodnaj vajny» značnym byŭ taksama samit u Rejkjaviku 1986 hoda pamiž Rejhanam i Harbačovym, jaki, choć i skončyŭsia biez pahadnieńnia, staŭ važnym etapam u dyskusijach ab jadziernym razzbrajeńni.
Sustreča ŭ Alascy budzie tolki čaćviortym amierykana-rasijskim samitam z 2010 hoda.
Niahledziačy na mahčymaść abmierkavać spynieńnie ahniu va Ukrainie, pierśpiektyvy zastajucca zmročnymi, pakolki bai praciahvajucca, a Rasija rehularna nanosić udary pa ŭkrainskich haradach, sprabujučy prymusić susieda da kapitulacyi.
-
U Hazie ad izrailskaha ŭdaru zahinuli piać supracoŭnikaŭ telekanała «Al-Džazira»
-
Kałumbijski sienatar Mihiel Urybe pamior praz dva miesiacy paśla zamachu. Jamu dvojčy strelili ŭ hałavu
-
Artykuł Bild, u jakim dačka Pucina rezka krytykavała baćku, akazaŭsia pamyłkovym. Lizavieta Kryvanohich praciahvaje lotać u Rasiju
Kamientary