U stalicy pačynajecca abmierkavańnie hienieralnaha płana Minska. Što čakaje horad u budučyni

Minsk abnaŭlaje hienieralny płan: rost biez pašyreńnia miežaŭ

U XXI stahodździ hienieralnyja płany raźvićcia stalicy prymali ŭ 2003, 2010 i 2016 hadach — usie jany byli raźličanyja da 2030-ha. Ciapier na hramadskaje abmierkavańnie vyniesiena novaja redakcyja, jakaja zachoŭvaje klučavyja pryncypy papiaredniaha dakumienta.

Hienpłan 2016 hoda zamacavaŭ stratehiju raźvićcia Minska tolki za košt efiektyŭnaha vykarystańnia ŭnutranych ziamielnych resursaŭ, biez terytaryjalnaha pašyreńnia, jakoje raniej płanavałasia. Abjomy žyllovaha budaŭnictva źnižalisia, pry hetym ułady rabili staŭku na raźvićcio haradoŭ-spadarožnikaŭ i strymlivańnie rostu aŭtamabilizacyi.

Hałoŭny architektar «Minskhrada» Alaksandr Akienćjeŭ padkreśliŭ: «Takija ž tendencyi zachavany i ŭ novym dakumiencie.

Nasielnictva i terytoryja

Pavodle prahnozu, da 2030 hoda kolkaść žycharoŭ dasiahnie 2,03 młn (+25—30 tys.), a płošča horada składzie 38,1 tys. ha. U miežy ŭklučać kala 2 tys. ha lesaparkaŭ na poŭdzień ad Zasłaŭskaha vadaschovišča i 1,2 tys. ha kala Nacyjanalnaha aeraporta.

Raźliki da 2050 hoda praduhledžvajuć pryciahnieńnie 4,5 tys. ha pryharadnych ziemlaŭ dla budaŭnictva žylla pa madeli «zialonych klinoŭ».

Płanujucca novyja rajony za MKAD — Dziehciaroŭka, Ščomyślica, Sienica, Jelnica, Palihon i Cna.

Žyllo

Asnoŭny pryjarytet — paŭnočny siektar, dzie realizujuć prajekt «Paŭnočny Bierah». Budaŭnictva taksama idzie ŭ Sucharavie, Łošycy, «Zialonym Bary» i kompleksie «Minsk-Śviet». Praduhledžvajecca ŭźviadzieńnie bolš jak 4 młn kv. m sacyjalnaha i arendnaha žylla ŭ Kałodziščach i «Zialonym Bary».

Pavialičyć

Łandšaft i zialonyja zony

Płanujecca maksimalnaje zachavańnie pryrodnych łandšaftaŭ i stvareńnie novych parkaŭ na pojmach Śvisłačy, Ślapianki, Łošycy. Budzie rekanstrujavana 23 parki, 3 lesaparki, 159 skvieraŭ i 26 bulvaraŭ. Zabiaśpiečanaść zialonymi nasadžeńniami vyraście z 11 da 20 kv. m na čałavieka.

Transpart

Horad praciahnie budaŭnictva mietro — zavieršycca 3-ja linija i pačniecca 4-ja. Źjavicca chutkasny elektratranspart na asobnych pałotnach u «Paŭnočny Bierah», Sucharava i Sierabranku. Ad idei sucelnaha 3-ha aŭtamabilnaha kolca admovilisia: «Heta zroblena, kab maksimalna zachavać vodna-zialony dyjamietr Minska i Łošyckuju i Ślapianskuju vodnyja sistemy», — kažuć raspracoŭščyki.

Zapłanavana budaŭnictva 11 puciepravodaŭ, 55 km mahistralnych i 20 km miascovych daroh, 8,5 km mietro i 16 km chutkasnaha tramvaja.

• 1
• 0
• 1
• 1
• 1
• 0
• 0
• 0