«Nazad u minułaje nie chočam». Barysaŭcy raskazali, čamu im nie zajšła moładzievaja dyskateka ŭ haradskim parku
U haradskim parku Barysava ŭ pačatku žniŭnia prajšła moładzievaja dyskateka — pieršaja za mnohija hady. Uvachod kaštavaŭ simvaličnyja 5 rubloŭ, ale bolšaść tych, chto pryjšoŭ, abmiežavalisia špacyram i nazirańniem. Adnyja skardzilisia na sastarełuju placoŭku i muzyku «ź minułaha», inšyja kazali, što moładź pryvykła da zusim inšych farmataŭ. Jakim pavinien być farmat dyskatek, haradžanie raskazali Ex-press.by.
Hanna, 54 hady:
«Ja pryjšła ź siabroŭkami prosta hlanuć, što tam. Nu ščyra, placoŭka amal jak dvaccać hadoŭ tamu. Muzyka taksama staraja. Ciapier moładź choča inšaje: dydžejaŭ, śviatło, fotazonu, fud-kort. Atmaśfiera tady była b zusim inšaja. My nastalhiju adčuli chvilin ź piać, a potym: usio, chopić, nazad u minułaje nie chočam».
Siarhiej, 41 hod:
«Tut nie tolki sprava ŭ placoŭcy. Moładź pryvykła da kłubaŭ, fiestyvalaŭ, ruchu. A prostaja dyskateka na pavietry — sumnavata. Treba rabić niešta typu opien-ejra: scenu, roznyja žanry, konkursy, kamunikacyja. Prosta tancy pad muzyku — užo nie kociać».
Maryja, 19 hadoŭ:
«Ja b pajšła, kali b tam byŭ narmalny huk i dydžej realna cikavy. Piać rubloŭ — heta niadoraha, ale ŭsio roŭna niama achvoty marnavać viečar na nudoćcie. Lepš adzin raz zrabić jarka i sučasna, čym kožny tydzień «jak u babuli ŭ minułym».
Dźmitryj, 27 hadoŭ:
«Farmat pavinien być rozny. Kamuści tancy patrebnyja, kamuści prosta pahutaryć. Ja b zrabiŭ zony: tancpoł, łaunž sa stolikami, scenu dla žyvoj muzyki. Tady i moładź, i starejšyja znojduć, što im bližej».
Kaciaryna, 32 hady:
«Nie skažu, što moładzi zusim niecikava. Prosta padača sastareła. Ciapier ža modnyja tematyčnyja viečaryny: 2000-ja, łacina, techna, chip-chop. Kali zrabić dyskateku «ź fiškaj», pryjduć i buduć tancavać. Ale hetyja 5 rubloŭ — nu nie viedaju, kožny ciapier moža biaspłatna zładzić niešta padobnaje».
Alaksiej, 60 hadoŭ:
«U naš čas što nam davali, toje i słuchali. Choć muzyka była norm: «Mašyna času», Nikolski, Smokie… Ciapier treba samich maładych padklučać. Chaj jany vybirajuć muzyku, afarmleńnie, farmat. I biez tupoj cenzury. Nie hetaja ŭsia papsa, a narmalnaja muzyka. Tady heta budzie nie «dla ich», a «imi ž zroblena». Unuk u mianie skazaŭ: «Kali adčuvaješ, što dźviž realna žyvy i sučasny — tady i chočacca pryjści».
Ciapier čytajuć
Miaža Biełarusi ź Litvoj budzie zakryta minimum da sierady13
Kamientary