U Krasnadary prosta na maršrucie zhareŭ biełaruski tramvaj. «Biełkamunmaš» paprasiŭ prabačeńnia
U tramvaja na prypynku zahareŭsia dach.
Biełaruski tramvaj ad «BKM Chołdynh» zhareŭ u Krasnadary. Dach tramvaja zahareŭsia ranicaj 21 žniŭnia, kali jon stajaŭ na prypynku.
Pačaŭsia davoli mocny pažar, dach tramvaja amal całkam vyharaŭ. Nieŭzabavie na miesca pryjechali ratavalniki i za niekalki chvilin patušyli połymia, piša miascovaje MNS.
U vyniku pažaru nichto nie paciarpieŭ, ludzi paśpieli vybiehčy z vahonaŭ. Ale ruch tramvajaŭ u hetym rajonie byŭ paralizavany. Papiarednija danyja śviedčać, što vahon zahareŭsia z-za karotkaha zamykańnia.
Na zdareńnie z tramvajem adreahavaŭ i vytvorca. Na miesca adpravili śpiecyjalistaŭ z servisnaha centra, jakija pavinny byli razabracca, čamu tramvaj zahareŭsia.
«BKM Chołdynh» prynosić prabačeńni pasažyram za pryčynienyja niazručnaści i prymie praduktyŭnyja miery dla praduchileńnia padobnych incydentaŭ u budučyni», — havorycca ŭ zajavie kampanii.
Ułady Krasnadara da kanca 2024 hoda źbiralisia nabyć 90 takich tramvajaŭ ad «Biełkamunmaša». Adnak pakul da horada dajechali tolki 20 sastavaŭ.
Tramvai «Biełkamunmaša», padobna aŭtobusam MAZ, harać u Rasii nie ŭpieršyniu. Niekalki takich incydentaŭ zdarałasia ŭ Kazani i Sankt-Pieciarburhu.
Aryštavany 75‑hadovy Źmicier Sańko — vieteran-vydaviec3
Kamientary
Kali tramvaj zhareŭ - h.zn. 5 kałona pry padtrymcy NATA i Ukrainy pranikła i padsunuła paškodžany vuzieł tudy. Vajennaje stanovišča, dbać nie pieradbać.