У Краснадары проста на маршруце згарэў беларускі трамвай. «Белкамунмаш» папрасіў прабачэння
У трамвая на прыпынку загарэўся дах.
Беларускі трамвай ад «БКМ Холдынг» згарэў у Краснадары. Дах трамвая загарэўся раніцай 21 жніўня, калі ён стаяў на прыпынку.
Пачаўся даволі моцны пажар, дах трамвая амаль цалкам выгараў. Неўзабаве на месца прыехалі ратавальнікі і за некалькі хвілін патушылі полымя, піша мясцовае МНС.
У выніку пажару ніхто не пацярпеў, людзі паспелі выбегчы з вагонаў. Але рух трамваяў у гэтым раёне быў паралізаваны. Папярэднія даныя сведчаць, што вагон загарэўся з-за кароткага замыкання.
На здарэнне з трамваем адрэагаваў і вытворца. На месца адправілі спецыялістаў з сэрвіснага цэнтра, якія павінны былі разабрацца, чаму трамвай загарэўся.
«БКМ Холдынг» прыносіць прабачэнні пасажырам за прычыненыя нязручнасці і прыме прадуктыўныя меры для прадухілення падобных інцыдэнтаў у будучыні», — гаворыцца ў заяве кампаніі.
Улады Краснадара да канца 2024 года збіраліся набыць 90 такіх трамваяў ад «Белкамунмаша». Аднак пакуль да горада даехалі толькі 20 саставаў.
Трамваі «Белкамунмаша», падобна аўтобусам МАЗ, гараць у Расіі не ўпершыню. Некалькі такіх інцыдэнтаў здаралася ў Казані і Санкт-Пецярбургу.
-
ДАІ сказала, што рабіць з аварыямі, якія ўсё часцей учыняюць кіроўцы старэйшыя за 70 гадоў
-
У Мінску мужчына падышоў да аўтамабіля, каб падказаць, што ўключана далёкае святло. Яму залілі твар пярцовым балончыкам ВІДЭА
-
Шматдзетная расіянка хацела пазбавіцца сужыцеля-беларуса, таму заявіла ў паліцыі, што ён педафіл
Цяпер чытаюць
У Александрыі Лукашэнка пасадзіў да сябе 23‑гадовую прыгажуню25
Каментары
Калі трамвай згарэў - г.зн. 5 калона пры падтрымцы НАТА і Украіны пранікла і падсунула пашкоджаны вузел туды. Ваеннае становішча, дбаць не перадбаць.