Vozieru ŭ Miadzielskim rajonie vyłazić bokam papularnaść u adpačyvalnikaŭ. Na jaho prosiać nie jeździć
Za apošnija niekalki hadoŭ voziera Biełaje ŭ Miadzielskim rajonie stała vielmi papularnym miescam adpačynku. I heta nie dziŭna: jano nievialikaje, dobra prahrajecca, maje ŭčastki ź piasčanymi plažami i čystaj vadoj. Ale pry hetym vielmi ekałahična ŭraźlivaje, piša «Anłajnier».
Tryvohu zabili supracoŭniki Nacyjanalnaha parku «Naračanski»: praź vialikuju kolkaść turystaŭ vada ŭ voziery pačała «ćviści».
Jak raskazaŭ «Anłajnieru» namieśnik hienieralnaha dyrektara parku Anatol Vuhlaniec, rekreacyjnaja jomistaść voziera Biełaje zusim maleńkaja. Heta tłumačycca jaho ŭnutranaj pabudovaj: jano nievialikaje, niehłybokaje i niepratočnaje, bieź ściokavych vod. Pry hetym tut sustrakajucca redkija raśliny, jakija znachodziacca pad achovaj.
Adnak za leta na voziera pryjazdžaje da 20 tysiač čałaviek — heta pierabor dla ekasistemy.
«Pa danych navukoŭcaŭ BDU, na praciahu siezona 2024 hoda ŭtrymańnie chłarafiła ŭ vadzie voziera Biełaje dasiahała 105,4 mh/ł, što kaža pra pieratvareńnie voziera ŭ vadajom z «ćvicieńniem» vady.
Kancentracyja chłarafiła ŭ vadzie pavialičvajecca na praciahu letniaha siezonu. U siarednim jaho ŭtrymańnie za maj-kastryčnik 2024 hoda skłała 35 mkh/ł, što prykładna adpaviadaje 35 mh/ł fitapłanktonu. U paraŭnańni z 1980 hodam uzrovień raźvićcia fitapłanktonu pavialičyŭsia bolš čym u 43 razy, — patłumačyŭ Anatol Vuhlaniec.
Supracoŭniki «Naračanskaha» zaklikajuć turystaŭ razhledzieć u jakaści alternatyvy dla adpačynku inšyja ŭčastki terytoryi parku. Dla adnadzionnaha adpačynku i kupańnia tut dastupnyja ŭźbiarežžy bolš za 10 azior, dla adpačynku z pałatkami abstalavanyja 13 turystyčnych stajanak.
Usich, chto raniej adpačyvaŭ na voziery Biełaje, śpiecyjalisty prosiać prajści ankietu. Heta pavinna dapamahčy zachavać pryrodu miascovaści. A jašče prapanujuć vykarystoŭvać u sacsietkach chešteh #bieriehiBiełoje, kab raspaŭsiudzić infarmacyju pra jaho.
Za apošnija 10 hadoŭ na terytoryi voziera źnikli try redkija vidy ptušak — ich adpužvaje šum. A raślinnaść rehularna źniščajuć nielehalnyja vohniščy.
Kudy i jak vyjechać ź Minska na dzień, kab adpačyć? Piać idej
«Ja zrazumieła, što nie stamiłasia». U Minskaj vobłaści zdajuć domiki na vadzie za 800 rubloŭ u sutki — kamientatary ŭ šoku
Źbirać žoŭtaje liście, adčuć tajamnicy pryrody, pahłybicca ŭ historyju. Kudy pajechać u Biełarusi vosieńniu?
Na bierazie Naračy źjavilisia «kaśmičnyja» kupały z usimi vyhodami. Što heta za dziva?
Delehatka KR Karpušonak paśla maŭčańnia apublikavała videa31
Delehatka KR Karpušonak paśla maŭčańnia apublikavała videa
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1616
Kamientary