«U kampanii niama hrošaj». Supracoŭnikaŭ Rutube masava skarociać praz hod paśla błakiroŭki YouTube
Videaservis Rutube, jaki naležyć chołdynhu «Hazprom-miedyja», praviadzie značnaje skaračeńnie piersanału, raspaviali Frank Media dźvie krynicy, blizkija da kampanii.
Pavodle ich słoŭ, supracoŭnikam patłumačyli zvalnieńni abjadnańniem videapartała z anłajn-kinateatram Premier i dadatkam dla karotkich viertykalnych videa Yappy.
«Nam skazali, što nas zvalniajuć pa pahadnieńni bakoŭ i vypłaciać dva miesiačnyja akłady, bo Rutube u ciapierašnim vyhladzie pracavać nie budzie. U adździele kadraŭ dadali, što ŭ kampanii niama hrošaj, kab utrymlivać taki štat supracoŭnikaŭ», — skazaŭ adzin z surazmoŭcaŭ vydańnia.
Jon dadaŭ, što aptymizacyja štata pravodzicca «ŭ najkaraciejšyja terminy». Inšaja krynica adznačyła, što supracoŭniki «sychodziać adździełami», a ŭ biźnies-centry «Ałkon» na Leninhradskim praśpiekcie, dzie Rutube zajmaje try pavierchi, ciapier «vielmi šmat pustych kresłaŭ».
U «Hazprom-miedyja» paćvierdzili, što chołdynh pravodzić «restrukturyzacyju i aptymizacyju funkcyjanału kamand» niekalkich servisaŭ z-za budučaha abjadnańnia. Adnak, kolki supracoŭnikaŭ zakranie aptymizacyja, u pres-słužbie chołdynhu nie ŭdakładnili.
Ab płanach «Hazprom-miedyja» zapuścić adzinuju miedyjapłatformu na bazie Rutube, Premier i Yappy u červieni hetaha hoda paviedamiŭ hiendyrektar chołdynhu Alaksandr Žaraŭ. Pavodle jaho słoŭ, płatforma pačnie pracu ŭ pieršaj pałovie 2026 hoda pad brendam Rutube. Pry hetym, jak vynikaje z spravazdačnaści «Hazproma», miedyjabiźnies źjaŭlajecca stratnym dla dziaržkarparacyi.
U 2024 hodzie čystyja straty ad jaho skłali 247 młn rasijskich rub (3 młn dalaraŭ). pry dachodzie 163,5 młrd rub (2 młrd dalaraŭ)
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary