Pra toje, što ŭkrainskija siłaviki zatrymali asobu, padazravanuju ŭ zabojstvie 30 žniŭnia ŭ Lvovie viadomaha palityka, byłoha śpikiera Viarchoŭnaj Rady Andreja Parubija, paviedamiŭ u svaim telehram-kanale prezident Ukrainy Uładzimir Zialenski.
«Ministr unutranych spraŭ Ukrainy Ihar Klimienka i kiraŭnik Słužby biaśpieki Ukrainy Vasil Maluk tolki što dałažyli pra zatrymańnie padazravanaha ŭ zabojstvie Andreja Parubija, — napisaŭ Zialenski ŭ 0:18 1 vieraśnia. —
Praciahvajucca nieabchodnyja śledčyja dziejańni. Daručyŭ dać hramadstvu najaŭnuju infarmacyju. Dziakuj pravaachoŭnikam za apieratyŭnuju i zładžanuju pracu. Usie abstaviny hetaha žudasnaha zabojstva pavinny być vyśvietlenyja».
Ministerstva ŭnutranych spraŭ Ukrainy paviedamlaje, što padazravanaha zatrymali ŭ Chmialnickaj vobłaści.
«Mierkavanaha strałka niekalki chvilin tamu zatrymali na Chmialniččynie. Šmat detalaŭ ciapier nie budzie. Tolki skažu, što złačynstva było staranna padrychtavana: vyvučaŭsia hrafik pieramiaščeńniaŭ zahinułaha, prakładaŭsia maršrut, pradumvaŭsia płan uciokaŭ», — paviedamiŭ ministr unutranych spraŭ Ihar Klimienka.
Palicejskija i supracoŭniki SBU, jak paviedamlajecca, vyjšli na pramy śled strałka ŭžo praz 24 hadziny paśla zdareńnia, a praz 36 hadzin — zatrymali. Bolš detalaŭ abiacajuć dać paśla.
Były śpikier Viarchoŭnaj Rady, dziejny narodny deputat ad palityčnaj siły «Jeŭrapiejskaja salidarnaść» Andrej Parubij byŭ zabity ŭ Lvovie 30 žniŭnia. Heta adbyłosia na vulicy Jafremava, u Andreja Parubija stralaŭ nieviadomy. Ad ahniastrelnych ranieńniaŭ palityk zahinuŭ na miescy.
Jak paviedamlałasia, strałok byŭ apranuty jak kurjer słužby dastaŭki. Pavodle najaŭnaj infarmacyi, jon vykarystaŭ elektrarovar. Napadnik padyšoŭ da Parubija i vosiem razoŭ streliŭ u jaho, paśla čaho źjechaŭ ź miesca złačynstva.
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś9
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1313
Kamientary
https://ru.wikipedia.org/wiki/%D0%9B%D0%B8%D1%85%D0%B0%D1%87%D1%91%D0%B2,_%D0%90%D0%BB%D0%B5%D0%BA%D1%81%D0%B5%D0%B9_%D0%95%D0%B2%D0%B3%D0%B5%D0%BD%D1%8C%D0%B5%D0%B2%D0%B8%D1%87
Spadar Lichačoŭ uvachodziŭ koliś u vybarčy štab zabitaha Niamcova Barysa Jafimaviča, ja nie pamylajusia?
https://www.svoboda.org/a/387715.html
Kryminalistam viadomy taki termin jak "počyrk" złačynstva.
Nijakaha davieru da mus sbUkraina paśla 2019 nima I dahetul ..umoŭna ale z 2014 pa 2019 byli pad pilnym vokam
Ni čuvać t.zv.Nobiel łaureataŭ ad Ukraina jakich da Alesia Bielackaha " pryściahnuli" .Ab Zakon Prava ..kazać