U vieraśni Karpušonak płanavała trapić na siesiju PARIE, ale apošni miesiac jaje pavodziny źmianilisia — Vorychava
Pradstaŭnica pa spravach moładzi i studenctva Abjadnanaha pierachodnaha kabinieta Marharyta Vorychava, jakaja blizka pracavała z delehatkaj Kaardynacyjnaj rady Volhaj Karpušonak, raskazała pra jaje bolš u efiry «Jeŭraradyjo».
Marharyta Vorychava paznajomiłasia z Volhaj Karpušonak padčas vybaraŭ delehacyi ŭ PARIE ad Kaardynacyjnaj rady. Bolš ščylnyja pracoŭnyja i asabistyja stasunki pačalisia padčas sumiesnaj pajezdki na siesiju PARIE.
«Jana zaŭsiody prezientavała siabie jak tuju, chto advakatuje pravy biełarusaŭ. (…) Jana vyhladała naprykancy našaha supracoŭnictva ź joj jak čałaviek, jakomu vielmi balić za biełarusaŭ», — padkreślivaje Marharyta.
Jana pryhadvaje sustreču z ukrainskaj delehacyjaj, dzie Karpušonak prademanstravała hłybokaje razumieńnie prablem biełarusaŭ va Ukrainie i kampietentna ŭzdymała važnyja pytańni.
Adnosiny z Paŭłam Łatuškam
Asobna Vorychava spyniajecca na adnosinach Karpušonak z Paŭłam Łatuškam. Pa jaje nazirańniach, pamiž imi nie było nijakich bačnych kanfliktaŭ ci prablem:
«Jany pavodzili siabie davoli pa-siabroŭsku, skažam tak, pa mimicy tam nie było zrazumieła, što tam niejki jość bekhraŭnd, kali jon byŭ», —
kaža jana. Mienavita adsutnaść bačnych kanfliktaŭ u minułym prymušaje Vorychavu schilacca da viersii ab źniešnim umiašańni ŭ situacyju z Volhaj.
«Ja bačyła hetaje voś uzajemadziejańnie pamiž Volhaj i pamiž Paŭłam, ja b zrabiła takuju vysnovu, što heta moža być usio ž taki pravakacyja śpiecsłužbaŭ, tamu što heta (damahańni i pahrozy. — NN) było b bačna chacia b u niečym.
Tamu ja voś zaraz schilajusia bolš da viersii taho, što (…) moža, naprykancy pracy ź joj štości zdaryłasia, ci tam, nie viedaju, niejkaje było psichałahičnaje stanovišča, jakoje jaje, jak by, prymusiła da taho, kab jana pasupracoŭničała sa śpiecsłužbami».
Źmiena nastroju ŭ apošni miesiac
Pa słovach Vorychavaj, u jaje z Karpušonak byli davoli blizkija stasunki, jany pierapisvalisia pa-za pracaj.
Adnak za apošni miesiac, u žniŭni, Marharyta zaŭvažyła tryvožnyja źmieny ŭ pavodzinach i nastroi Volhi. Jana miarkuje, što ŭ Karpušonak moh być «krychu depresiŭny stan», vyklikany rasčaravańniem u pracy ci nierealizavanymi ambicyjami.
«Štości takoje było ŭ jaje ŭ tonie kamunikacyi, što pakazvała, što jana, moža, nie ŭ samym lepšym stanie», — tłumačyć Marharyta i dzielicca nazirańniem, što ich znosiny stali inšymi:
«Jana zaŭsiody była takaja bolš aptymistyčnaja, jana žartavała niejak u kamunikacyi. A voś apošnija razy jana prosta niejak sucha adkazvała na paviedamleńni».
Heta było asabliva zaŭvažna padčas padrychtoŭki da siesii PARIE, u jakoj u vieraśni Karpušonak płanavała ŭdzielničać:
«My abmiarkoŭvali niejkija tezisy, jakija jana prezientavała na hetaj siesii PARIE, jakaja adbudziecca voś mienavita ŭžo ŭ vieraśni, to-bok jana płanavała na jaje trapić niejak. I voś u hetaj kamunikacyi jana prosta viała siabie niejak nie pa-siabroŭsku, nie tak, jak zvyčajna».
Hetyja źmieny ŭ pavodzinach, na dumku Vorychavaj, mohuć być klučom da razumieńnia situacyi. Jana nie vyklučaje, što mienavita ŭ hety momant psichałahičnaj uraźlivaści na Volhu mahli vyjści śpiecsłužby.
«Moža być, jakraz u hety momant takoha asabistaha ŭpadku da jaje źviarnulisia śpiecsłužby i ŭ hety momant pačali apracoŭku, moža, joj pačali pahražać čymści. Ja nie viedaju hetych detalaŭ, ale voś takoje ŭ mianie asabistaje adčuvańnie», — dzielicca svajoj hipotezaj Marharyta.
Karpušonak apublikavała tekst svajoj zajavy na Łatušku ŭ ispanskuju prakuraturu
Delehatka KR Karpušonak paśla maŭčańnia apublikavała videa
Dzie ž sama delehatka KR Karpušonak, jakaja abvinavaciła Łatušku?
«Jaje dziejańni inśpiravanyja śpiecsłužbami». Pavieł Łatuška daŭ žyvy efir i adkazaŭ na abvinavačvańni Volhi Karpušonak u damahańniach
Kamientary