Biełaruskamu mastaku, jaki namalavaŭ u Varšavie Iłana Maska z rymskim pryvitańniem, dasłali pozvu ŭ sud na 15 vieraśnia, piša «Miedyjazona».
Jaho padazrajuć u naŭmysnym paškodžańni majomaści (punkt 1 artykuła 288 KK Polščy).
U kancy studzienia mastaka zatrymali padčas pracy nad stryt-artam, na jakim byŭ namalavany čałaviek, padobny da Iłana Maska, jaki padymaje ruku ŭ nacysckim pryvitańni, i nadpis «Make Poland great for Poles again».
U pastarunku ŭ jaho brali adbitki palcaŭ, ślinu, pierapisvali asabistyja danyja. Pavodle słoŭ Maksima, u palicyjantaŭ uźnikli pytańni da jaho dakumienta — praterminavanaha časovaha paśviedčańnia asoby zamiežnika, jakoje vydajuć pry padačy na mižnarodnuju abaronu.
Taksama biełarus raspavioŭ, što palicejski prymušaŭ jaho padpisać dakumient z abvinavačvańniem u naniasieńni škody majomaści na 2000 złotych i ŭ malunku čałavieka, «jaki robić rymski salut».
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary
Cikava, ci niekatoryja palityčny profilna padobnyja nda jamu ciapier dapamohuć ci kinuć?