U Dziaržaŭnaj pamiežnaj słužbie Ukrainy nie vyklučajuć pravakacyj padčas vučeńniaŭ «Zachad-2025»
U Dziaržaŭnaj pamiežnaj słužbie Ukrainy nie vyklučajuć pravakacyj padčas rasijska-biełaruskich vučeńniaŭ «Zachad-2025». Pra heta zajaviŭ śpikier Dziaržaŭnaj pamiežnaj słužby Andrej Dziemčanka ŭ efiry telemarafona.
«Pa stanie na ciapier, kali kazać pra toje, što my fiksujem pobač našaj miažy, to niejkaha naroščvańnia hrupovak na terytoryi Biełarusi ŭ napramku našaj miažy hetaha niama. I situacyja niepasredna pa linii miažy, na ščaście, nie źmianiłasia, — prainfarmavaŭ Dziemčanka.
Jon padkreśliŭ, što prysutnaść rasijskich vojskaŭ u Biełarusi ŭjaŭlaje pahrozu, i Ukraina nie moža dazvolić sabie rassłabicca.
«Biełaruś praciahvaje padtrymlivać Rasieju, a, ułasna, kali kazać pra dziejańni krainy-terarystki, to nie vyklučajecca i pravakacyi, i treba razumieć, što infarmacyjny ŭpłyŭ padčas hetych vučeńniaŭ budzie prysutničać dla taho, kab nahniatać situacyju», — padkreśliŭ śpikier.
Jon dadaŭ, što adnoj z zadač takich dziejańniaŭ moža stać sproba prymusić Ukrainu pierakidvać siły na paŭnočny kirunak, sasłablajučy inšyja ŭčastki frontu.
Rasijska-biełaruskija vučeńni «Zachad-2025 « projduć u vieraśni. Aktyŭnaja faza manieŭraŭ zapłanavanaja na 12-16 vieraśnia, da ich pryciahnuć bolš za 13 tysiač vajskoŭcaŭ.
Ciapier čytajuć
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ3
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary