Paśla taho, jak Nacyjanalny schod vykazaŭ votum niedavieru premjer-ministru Fransua Bajru, jahony ŭrad budzie vymušany pajści ŭ adstaŭku. Heta ŭžo čaćviortaja źmiena kabinieta ministraŭ u krainie za apošnija dva hady.
Bajru prabyŭ na svajoj pasadzie ŭsiaho dzieviać miesiacaŭ. Jon sam inicyjavaŭ praces hałasavańnia, kali staŭ centram kryzisu, vyklikanaha jaho ekanamičnaj prahramaj.
Premjer prapanoŭvaŭ maštabny płan žorstkaj ekanomii: skaracić dziaržaŭnyja vydatki prykładna na 44 miljardy jeŭra, zamarozić padatkovyja staŭki, a taksama pakinuć na najaŭnym uzroŭni piensii i sacyjalnyja vypłaty. Meta hetaha, pavodle Bajru, — źnizić dziaržaŭny doŭh i zbałansavać biudžet.
Adnak jaho inicyjatyvy vyklikali supraciŭ jak u parłamiencie, tak i ŭ hramadstvie. Situacyja pierarasła ŭ palityčny kryzis, i Bajru vyrašyŭ vynieści pytańnie davieru na hałasavańnie, jakoje zaviaršyłasia dla jaho parazaj.
Z momantu abrańnia Emmanuela Makrona ŭ 2017 hodzie heta ŭžo šosty premjer-ministr. Asabliva častyja źmieny kiraŭnikoŭ urada adbyvajucca paśla 2022 hoda — Bajru staŭ užo piatym pa liku za hety čas. Heta śviedčyć pra niestabilnaść francuzskaj vykanaŭčaj ułady.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary