Demakraty apublikavali zapisku Epštejnu, śćviardžajuć, što pad joj podpis Trampa
Demakraty ŭ Kanhresie apublikavali zapisku ź vinšavańniem piedafiłu Džefry Epštejnu z 50-hodździem, padpisanuju, jak jany śćviardžajuć, ciapierašnim prezidentam ZŠA Donaldam Trampam, piša Bi-bi-si.
Jurysty, jakija kirujuć majomaściu Epštejna, pieradali dakumienty, zapatrabavanyja Kamitetam pa nahladzie Pałaty pradstaŭnikoŭ u minułym miesiacy. Paśla hetaha demakraty — členy kamiteta ŭ paniadziełak apublikavali kopiju lista ŭ sietcy X.
Bieły dom zajaviŭ, što podpis pad listom nie naležyć Trampu. U lipieni, kali hazieta Wall Street Journal upieršyniu napisała pra isnavańnie hetaj zapiski, Tramp nazvaŭ publikacyju fejkam i zajaviŭ, što ničoha padobnaha nie pisaŭ.
Tramp padaŭ pazoŭ ab paklopie suprać haziety, aŭtaraŭ artykuła, vydaŭca haziety, jaje kiraŭnictva i kančatkovaha ŭładalnika WSJ — Rupierta Merdaka.
«Prezident Tramp nie malavaŭ hety malunak i nie padpisvaŭ jaho, — zajaviła ŭ paniadziełak pres-sakratarka Biełaha doma Kerałajn Levit. — Advakatskaja kamanda prezidenta Trampa budzie rašuča praciahvać sudovaje raźbiralnictva».
U zapiscy napisana: «Z dniom naradžeńnia — i niachaj kožny dzień stanovicca cudoŭnaj tajamnicaj».
Namieśnik kiraŭnika aparatu Biełaha doma Tejłar Budovič u paniadziełak vykłaŭ u X niekalki ŭzoraŭ podpisu prezidenta, dadaŭšy, što podpis pad zapiskaj padrobleny, i znoŭ abvinavaciŭ vydaŭcoŭ WSJ u dyfamacyi.
Jak pisała hazieta, zapiska ŭvachodziła ŭ albom ź vinšavańniami Epštejnu z dniom naradžeńnia ad jaho siabroŭ. Albom padrychtavała ŭ 2003 hodzie jahonaja saŭdzielnica Hiślejn Makśvieł.
Tramp i Epštejn siabravali na praciahu mnohich hadoŭ, ale ŭ siaredzinie 2000-ch, jak kazaŭ Tramp, pasvarylisia.
U 2019 hodzie Epštejn pamior u turemnaj kamiery ŭ čakańni suda; ułady štata Ńju-Jork pryjšli da vysnovy, što jon skončyŭ žyćcio samahubstvam.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary