Vienhryja, jakaja zastajecca najbujniejšym klijentam «Hazprama» ŭ Jeŭrasajuzie, abjaviła pra płany padpisać doŭhaterminovy kantrakt na pastaŭki hazu z adnoj z zachodnich krain. Pra heta paviedamiŭ kiraŭnik MZS Vienhryi Pieter Sijarta, piša The Moscow Times.
Pavodle słoŭ Pietera Sijarta, Budapiešt imkniecca da raznastajnaści krynic i maršrutaŭ, kab źmienšyć zaležnaść ad adnaho pastaŭščyka.
Z pačatku 2025 hoda Vienhryja atrymała bolš za 5 miljardaŭ kubamietraŭ rasijskaha hazu praz trubapravod «Turecki patok». Štomiesiac kraina tracić na zakupki enierharesursaŭ u Rasii kala 500 miljonaŭ jeŭra. U lipieni pastaŭki hazu skłali 285 miljonaŭ jeŭra, nafty — jašče 200 miljonaŭ. Akramia Vienhryi, rasijski haz praz trubapravody praciahvaje kuplać Słavakija, ale ŭ značna mienšych abjomach.
Da hetaha času haz u Vienhryju išoŭ i praz Ukrainu, ale z pačatku hoda tranzit byŭ spynieny, bo Maskva i Kijeŭ nie padoŭžyli adpaviednuju damovu.
Pieter Sijarta adznačyŭ, što kali ES uviadzie zabaronu na rasijskaje paliva, kraina budzie šukać inšyja varyjanty. Adzin ź ich — rumynski haz z Čornaha mora, zdabyča jakoha pavinna pačacca ŭ 2027 hodzie.
Dla «Hazprama» strata vienhierskaha rynku budzie adčuvalnaj, bo ekspart hazu ŭ Jeŭropu i tak źniziŭsia da minimumu z 1970-ch — mienš za 10 miljardaŭ kubamietraŭ za studzień—lipień 2025 hoda. Da vajny va Ukrainie abjomy byli ŭ dziesiać razoŭ bolšyja.
Rasijski vice-premjer Alaksandr Novak raniej zajaŭlaŭ, što Jeŭropa, maŭlaŭ, nie zmoža admovicca ad rasijskich enierharesursaŭ, bo dla hetaha brakuje infrastruktury, a alternatyŭnyja pastaŭki daražejšyja i składaniejšyja ŭ łahistycy.
Kab ZŠA ŭviali sankcyi suprać Rasii, Jeŭropa pavinna pierastać kuplać rasijskija naftu i haz
Vienhryja zabaraniła ŭjezd kamandziru ŭkrainskaha padraździaleńnia, adkaznaha za ataki na «Družbu». Hety vajskoviec — etničny vienhr
U Słavakiju znoŭ pačała pastupać nafta pa hazapravodzie «Družba»
«Ukrainskija dzieci nie vinavatyja ŭ tym, što robić były akcior». U Vienhryi zajavili, što mohuć spynić pastaŭki elektryčnaści ŭ Ukrainu, ale pakul nie buduć
Što budzie ź Biełaruśsiu, kali ES uviadzie poŭnaje handlovaje embarha suprać Rasii
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4949
Kamientary