Pavieł Majsievič moža stać 19‑m biełarusam u najmacniejšaj chakiejnaj lizie śvietu pačynajučy z 1992 hoda.
Hienieralny mieniedžar «Viehasa» Kieli Makryman abviaściŭ pra padpisańnie trochhadovaha kantrakta navička ź biełaruskim hałkipieram Paŭłam Majsievičam, paviedamlaje pres-słužba kłuba.
19 sakavika chakiejny kłub SKA (Sankt-Pieciarburh) i Pavieł Majsievič razarvali kantrakt pa inicyjatyvie chakieista.
Pavieł byŭ abrany «Viehasam» u trecim raŭndzie draftu NCHŁ 2024 hoda ( 83‑i ahulny numar).
U hetym siezonie Pavieł nie vystupaŭ za asnoŭnuju kamandu SKA ŭ KCHŁ. Jon pravioŭ 10 matčaŭ va Usierasijskaj chakiejnaj lizie za «SKA-Niavu», adbiŭšy 91,7% kidkoŭ.
Kali Pavieł pierabiarecca ŭ NCHŁ, jon stanie 19‑m biełaruskim chakieistam u najmacniejšaj chakiejnaj lizie śvietu pačynajučy z 1992 hoda. Ale kantrakt navička aznačaje, što Majsievič moža nie adrazu zahulaje, a pačnie ŭ farm-kłubie.
U hetym siezonie ŭ NCHŁ vystupajuć adrazu siamiora biełarusaŭ:
Alaksiej Protas («Vašynhton»), Jahor Šaranhovič («Kałhary»), Uład Kalačonak («Bostan»), Arciom Leŭšunoŭ («Čykaha»), Illa Sałaŭjoŭ («Pitsburh») i dva hałkipiery: Mikita Tałapiła («Vankuvier») i Alaksiej Kołasaŭ («Fiładelfija»).
Ale Tałapiła i Kołasaŭ nie tak i šmat zhulali ŭ hetym siezonie ŭ NCHŁ. U Mikity 15 matčaŭ, u Alaksieja ŭsiaho čatyry.
Što da kłuba Majsieviča, to «Viehas Hołden Najts» byŭ zasnavany ŭ 2017 hodzie (bazujecca ŭ Paradajzie, pryharadzie Łas-Viehasa), u pieršy hod dajšoŭ da finału Kubka Stenli, prajhraŭšy ŭ finale «Vašynhtonu», a ŭ 2023 hodzie vyjhraŭ Kubak Stenli.
Ciapier čytajuć
Viadučy STB Raman Pratasievič pabraŭsia šlubam trecim razam49
Viadučy STB Raman Pratasievič pabraŭsia šlubam trecim razam
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu44
Kamientary