Biełaruś choča ŭziać kredyt u Kitaja na kuplu miedycynskaha abstalavańnia
Płanujecca, što kredytnyja srodki pamieram bolš za 60 miljonaŭ dołaraŭ ZŠA buduć pradastaŭleny kitajskim bokam na termin 20 hadoŭ.
Pavodle pastanovy Savieta Ministraŭ, Biełaruś maje namier pryciahnuć lhotny pakupnicki kredyt z Kitaja na sumu 474,1 miljona juaniaŭ (prykładna 60,5 miljona dołaraŭ ZŠA) terminam na 20 hadoŭ. Dakumient apublikavany na Nacyjanalnym pravavym internet-partale.
Kredytnyja srodki buduć vykarystany dla realizacyi prajekta «Asnaščeńnie arhanizacyj achovy zdaroŭja Respubliki Biełaruś miedycynskim abstalavańniem».
Saviet Ministraŭ taksama ŭzhadniŭ prajekt kredytnaha pahadnieńnia jak asnovu dla dalejšych pieramovaŭ. Biełaruski Minfin upaŭnavažany vieści pieramovy i padpisać dakumient u vypadku dasiahnieńnia adpaviednych damoŭlenaściaŭ u miežach uchvalenaha prajekta.
Ciapier čytajuć
Da «Dnia narodnaha adzinstva» pamiłavali 25 čałaviek1
Kamientary