Ukrainski kinarežysior i scenaryst Aleh Siancoŭ, jaki ŭ 2014—2019 hadach byŭ palityčnym źniavolenym Kramla i abaraniaje Ukrainu z pačatku raźviazanaj Rasijaj u 2022 hodzie poŭnamaštabnaj vajny, staŭ kamandziram bataljona.
«U mianie drennyja dla vas naviny: vajna zaŭtra nie skončycca, i paślazaŭtra nie skončycca, i chutčej za ŭsio ŭ hetym hodzie nie skončycca», — skazaŭ jon na štohadovaj kanfierencyi «Jak nam zaviaršyć vajnu» ŭ Kijevie. Jahonyja słovy pryvodzić Interfaks-Ukraina.
U pačatku vajny Siancoŭ pajšoŭ abaraniać Kijeŭ u składzie terytaryjalnaj abarony, zatym uletku 2023 hoda atrymaŭ zvańnie aficera i staŭ kamandziram šturmavoj roty 47-j bryhady. Niekalki razoŭ byŭ paranieny.
Siancoŭ adznačyŭ, što z 2022 hoda vajna mocna źmianiłasia. «My biehali pad Bachmutam z aŭtamatami va ŭvieś rost — užo takoj vajny niama.
Piachota vyžyvaje, siadzić u norach i čakaje taho, kab ich nie parazili FPV. Taksama i naš praciŭnik: nijakich užo miechanizavanych šturmaŭ, nijakich užo bryhad, jakija voś tak iduć, — infiltracyja, maleńkija hrupy ludziej», — apisaŭ režysior.
«Jany ciapier krychu prasoŭvajucca, ale ŭžo takich tempaŭ niama. I kaliści nastanie dzień, kali my spynim ich, i tady Pucin zadumajecca, ci jość sens rabić niešta dalej», — ličyć Siancoŭ.
Jon dadaŭ, što adnačasova važna praciahvać cisnuć na Rasiju palityčna i ekanamična.
«Tamu što druhi etap zakančeńnia vajny — heta nie kali ŭstanie front, a kali ŭ Rasii źmienicca palityčny režym. Kali Rasija pryznaje hetuju vajnu pamyłkaj, kali Rasija budzie hatovaja addać našu terytoryju, skazać: my byli my nie mieli racyi, prabačcie, budziem kajacca ŭsio svajo žyćcio. Heta budzie dla mianie pieramoha. Ja vieru, što hety dzień nastanie», — zajaviŭ Siancoŭ.
-
Va ŭkrainski pałon trapili jašče troje hramadzian Biełarusi, jakija vajavali na baku Rasii. Usie jany byli sudzimyja
-
«Dva-try tydni». Ad Arastoviča da Budanava — 5 hučnych prahnozaŭ pra vajnu, jakija nie spraŭdzilisia
-
Zialenski: Rasija płanuje dźvie ciažkija nastupalnyja kampanii, try papiarednija — pravalilisia
Ciapier čytajuć
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča17
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary