Na Bajkale spalili pudziła śpievaka Šamana, jaki palizaŭ na voziery lod
Na Bajkale spalili pudziła z fatahrafijaj prakramloŭskaha śpievaka Shaman. Takim čynam miascovyja žychary adznačyli Maślenicu.
Heta adbyłosia paśla pierformansu artysta, na jakim toj ablizaŭ lod voziera i padpisaŭ videa «18+», paviedamlaje Astra. Toj rolik zavirusiŭsia ŭ internecie i staŭ miemam.
«Dla karennych narodaŭ i dla mnohich miascovych žycharoŭ Bajkał — sakralnaje miesca. Nie łakacyja dla chajpu, nie fon dla «kantentu», nie dekaracyja dla epatažu, — napisaŭ irkucki aktyvist Dzianis Bukałaŭ.
— Bajkał patrabuje peŭnych pavodzin. I hety pierformans — nie tolki reakcyja na «ablizvańnie lodu». Jon pra toje, što nieprystojnyja pavodziny na Bajkale rehularna pryvodziać da trahiedyj: aŭtamabili iduć pad lod, ludziej źbivajuć sudny na pavietranaj padušcy, hinuć tyja, chto ŭsprymaje voziera jak atrakcyjon.
Hety pierformans jašče i pra toje, pra što dziesiacihodździami kažuć ekśpierty: pra pahrozy Bajkału. Ale ŭsio zakančvajecca razmovami. Znoŭ pajšli dyskusii pra ačyščalnyja zbudavańni. Znoŭ «voś-voś pabudujem». Ale nichto nie hladzić u korań prablemy. Ačyščalnyja nie buduć pabudavany i nie buduć pravilna pracavać, pakul nie pryniaty adekvatnyja narmatyvy na ścioki ŭ Bajkał. A da taho času nieačyščanyja ścioki buduć źlivać u voziera, apraŭdvacca i pieranosić terminy biaskonca.
Tamu pytańnie ŭžo nie ŭ tym, chto što liznuŭ. Pytańnie ŭ tym, što Bajkału daŭno patrebny kodeks pavodzin: dla turystaŭ, dla biźniesu, dla artystaŭ, dla čynoŭnikaŭ», — napisaŭ ekaabaronca.
Niadaŭna, u Bajkale patanuła «buchanka» z kitajskimi turystami. Pieravozčyk nie mieŭ aficyjnaj rehistracyi i pracavaŭ nielehalna, ihnarujučy zabarony na vyjezd na lod u niebiaśpiečnych miescach.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1414
Kamientary