Pavodle paviedamleńnia aljansu, za apošnija paŭtary tydni rasijskija drony i źniščalniki niekalki razoŭ parušali pavietranuju prastoru troch krain NATA. U adkaz u Brusieli zajavili, što Maskva demanstruje «ŭsio bolš biezadkaznyja pavodziny», jakija mohuć pryvieści da eskałacyi i pahrozy žyćciu ludziej.
Hienieralny sakratar NATA Mark Rute i novy pradstaŭnik ZŠA ŭ Radzie Biaśpieki AAN Majk Uołc padkreślili: aljans budzie abaraniać «kožny dziujm» svajoj terytoryi i vykarystaje dla hetaha ŭsie nieabchodnyja vajskovyja i nievajskovyja instrumienty.
Na hetym fonie pradstaŭniki ŭładaŭ Polščy, Litvy, Čechii i Hiermanii zajavili pra hatoŭnaść źbivać lubyja rasijskija abjekty, što ŭvarvucca ŭ ich pavietranuju prastoru. Siem krain ES na ŭschodnim fłanhu NATA abmiarkoŭvajuć ideju pabudovy «ściany ad dronaŭ» na miažy z Rasijaj.
U Danii, dzie 22 vieraśnia byli zafiksavanyja nieviadomyja bieśpiłotniki, daviałosia zakryć aeraporty. Premjer-ministr Miete Frederyksien nazvała heta surjoznaj atakaj na krytyčnuju infrastrukturu i dapuściła, što za joj moža stajać Maskva.
Užo dvojčy za apošnija dni krainy NATA sklikali kansultacyi pa artykule 4 statuta, jaki prymianiajecca pry pahrozie terytaryjalnaj cełasnaści abo biaśpiecy sajuźnikaŭ. Heta vielmi redkaja pracedura — za ŭsiu historyju NATA jaje vykarystoŭvali tolki dzieviać razoŭ, ź ich try — padčas vajny va Ukrainie.
«Rasija pavinna terminova spynić niebiaśpiečnyja pavodziny, — zajaviŭ Majk Uołc u pieršym publičnym vystupleńni paśla pryznačeńnia ŭ piatnicu pastajannym pradstaŭnikom ZŠA ŭ Radzie Biaśpieki AAN. — Złučanyja Štaty stajać na baku našych sajuźnikaŭ pa NATA… i buduć abaraniać kožny dziujm terytoryi NATA».
Aeraporty Danii i Narviehii prypyniali pracu praz źjaŭleńnie vialikich dronaŭ
Zialenski prapanavaŭ Polščy i Rumynii znajści supolnaje rašeńnie dla baraćby z rasijskimi dronami
Rasijskija źniščalniki parušyli pavietranuju prastoru Estonii
«Jon mianie padvioŭ». U apošni dzień vizitu ŭ Brytaniju Tramp abmierkavaŭ sa Starmieram cisk na Pucina
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary