Kiraŭnik Biełaaziorska raskazaŭ pra padrychtoŭku da «Dažynak», a ludzi zachejcili ŭ kamientarach

«Na siońniašni dzień asnoŭnyja abjekty pryviedzieny ŭsie ŭ naležny stan. Heta dvarovyja terytoryi, heta ŭparadkavańnie žyłych damoŭ, uparadkavańnie płoščaŭ, spartzała. Basiejn uviedzieny ŭ ekspłuatacyju. Adkryty park, u jakim budzie ŭstalavany pomnik Hieroju Savieckaha Sajuza Śvidzinskamu», — raskazvaŭ 21 žniŭnia ŭ tyktoku haziety «Zaria» Uładzimir Pilipiec.

Kiraŭnik vykanaŭčaj ułady horada zrabiŭ vysnovu, što «Dažynki» dazvolili pravieści ŭparadkavańnie Biełaaziorska, «horad nabyŭ całkam novy źniešni vyhlad, novuju infrastrukturu».

Pad rolikam u tyktoku pakinuli kala 50 kamientaroŭ, ź ich vidać, što heta miascovyja žychary. I daloka nie ŭsie ŭchvalili vystupleńnie staršyni Biełaaziorskaha harvykankama.

Pavialičyć

Voś niekatoryja ź mierkavańniaŭ, što jašče ŭ horadzie nie zrabili ci zrabili nie tak:

• «Mnie vielmi škada płoščy. Mnie tak jana padabałasia, a ciapier — viertalotnaja placoŭka!»
• «Na žal, nas nichto nie pytajecca. Źniščyli takuju pryhažość».
• «Dy nie paśpiejecie vy heta ŭsio dalapić! Paśla zimy ŭsio paabsypajecca, jakaść rabot na nuli! Chaciełasia b, kab niechta z adkaznych asob panios za heta pakarańnie».
• «Na vulicy Budaŭnikoŭ, 23, 23a, 23b asfalt pakładzicie, kali vy zanialisia ŭparadkavańniem».
• «Ad płoščy ŭzdoŭž hazietnaha kijoska, 16, 18 damoŭ pa Enierhietykaŭ na piešachodnaj ściežcy možna nohi skrucić. Ludzi źviarnulisia, skazali — niama hrošaj».
• «Miru 12, z praśpiekta nie vidać, ničoha nie robiać. Chočam uparadkavać naš dom!»
• «Na Miru 10 u dvary «mrak».
• «Dla dziaciej što-niebudź adkryjcie, dziaciej niama kudy zavieści pahulać!»
• «62/1 — u dvary asfalt pakładzicie, jamy pa kalena. A to zakatali ŭvieś horad u plitku, kab nie kasić».
• «Darohi Miru 5A i 3 — heta ž žach! I nichto nie źbirajecca rabić! Jama na jamie!»
• «Pahladzim, što budzie z ramontam fasada doma 62/1 vyšej za 5 pavierch. Niekalki hadoŭ tamu zatynkavali čyrvonuju cehłu, tak i pakinuli šeryja plamy. Niepryhoža hladzicca z boku vulicy Lenina».
• «Jak pahladziš na bałkony šera-čornyja, to… Niaŭžo nielha było pryhožyja kolery zrabić?»
• «Źviarnicie ŭvahu na dom Enierhietykaŭ, 7. Adzin dom nie zrobleny z usich astatnich, jaho atačajuć. Šery, ubohi. A asfalt pa abodva baki doma — heta prosta biez słoŭ. Plitki chapiła tolki da BB, dalej da kanca vulicy plitki niama».
• «Miru 22-24, pieršyja damy na ŭjeździe, pieršy dvor. Ničoha nie robiać, a navošta — jaho nie vidać za drevami! Va ŭsim horadzie piłavali drevy, a ŭ nas nie. Darožki pierakapali, ich i tak tam nie było, a ciapier naohuł nie prajści! Darožka za kaledžam u žachlivym stanie i biez aśviatleńnia, horad enierhietykaŭ! A pa joj dzieci ŭ škołu i sady chodziać!»

Pavialičyć

Abłasnyja «Dažynki» ŭ Biełaaziorsku projduć 4 kastryčnika, raskazaŭ presie pieršy namieśnik staršyni abłvykankama Dźmitryj Haradziecki. Raniej paviedamlałasia, što abłasnoje śviata pracaŭnikoŭ vioski pieranosicca z raniej zapłanavanaj daty 27 vieraśnia. Darečy, abłasnyja «Dažynki» ŭ Bresckaj vobłaści pieranosiacca druhi hod zapar.

• 0
• 0
• 2
• 2
• 0
• 0
• 0
• 0