U časie rasijskaj ataki ŭ Kijevie zahinuła 12‑hadovaja dziaŭčynka. Kolkaść achviar dasiahnuła čatyroch čałaviek
U vyniku masiravanaj ataki na Kijeŭ, jakaja adbyłasia nočču 28 vieraśnia, zahinuli čatyry čałavieki. Siarod achviar — 12‑hadovaja dziaŭčynka, cieła jakoj było znojdziena pad zavałami razburanaha piacipaviarchovaha žyłoha doma ŭ Sałamianskim rajonie.
Pavodle słoŭ kiraŭnika haradskoj vajennaj administracyi Cimafieja Tkačenki, kolkaść achviar u stalicy Ukrainy vyrasła da čatyroch.
Pavodle jaho źviestak, siarod zahinułych u Sałomienskim rajonie — 12‑hadovaja dziaŭčynka.
Raniej mer Kijeva Vital Kličko paćvierdziŭ hibiel troch čałaviek.
Adzin z udaraŭ pryjšoŭsia na Instytut kardyjałohii ŭ Sałamianskim rajonie. Pavodle paviedamleńnia Dziaržaŭnaj słužby pa nadzvyčajnych situacyjach, ahoń achapiŭ druhi i treci pavierchi budynka.
«Patušyli pažar u budynku dziaržaŭnaj miedustanovy. Ratavalniki znajšli tam cieły dvaich zahinułych. Vyratavali piać čałaviek», — napisaŭ Kličko.
U Zaparožžy taksama adbyłasia ataka: kolkaść paciarpiełych tam uzrasła da 21 čałavieka, ź jakich dvoje — u ciažkim stanie.
Rasijski bok infarmacyju ab udarach pa Kijevie i Zaparožžy nie kamientavaŭ.
Kamientary