Apieratyŭniki Frunzienskaha RUUS Minska zatrymali 33‑hadovaha byłoha načalnika adździeła bujnoj staličnaj arhanizacyi, paviedamlaje pres-słužba MUS.
Mužčyna sistematyčna pazyčaŭ hrošy ŭ padnačalenych. Niekatorym ź ich viartaŭ daŭhi z pracentami, dziakujučy čamu nastupnym razam atrymlivaŭ značna bolšyja sumy.
Adnak zatym pačaŭ zaciahvać terminy viartańnia, niahledziačy na vydadzienyja raśpiski i pahrozy raspavieści jaho siamji.
Apieratyŭniki raskryli jašče adnu schiemu padmanu. Jon pradaŭ trom klijentam darahoje abstalavańnie ŭ rasterminoŭku. Pry hetym paprasiŭ pieraličvać štomiesiačnyja ŭznosy nie na rachunak firmy, a asabistuju kartku.
Usie hrošy pa pryncypie piramidy vykarystoŭvaŭ dla pahašeńnia daŭhoŭ i ŭkładańnia ŭ ułasny biźnies, jaki zhareŭ.
Ahulnaja suma škody skłała kala 200 tysiač rubloŭ.
Zaviedziena kryminalnaja sprava za machlarstva ŭ asabliva bujnym pamiery. Mužčynu pahražaje da 12 hadoŭ pazbaŭleńnia voli.
Kamientary