Čatyry minčanki zatrymanyja za dapamohu telefonnym afierystam. Jany pastavili doma śpiecyjalnaje abstalavańnie
Staličnaja milicyja zatrymała čatyroch minčanak, jakija dapamahali telefonnym machlaram, paviedamlaje pres-słužba MUS.
Žančyny niezaležna adna ad adnoj na roznych sajtach adkliknulisia na vakansiju «mieniedžar abstalavańnia» z zarobkam kala tysiačy rubloŭ.
Abaviazak byŭ adzin — raźmiaścić u siabie doma abstalavańnie, jakoje byccam by ŭzmacniała sihnał sotavaj suviazi.
«Pracaŭdaŭca» śćviardžaŭ, što ŭsio zakonna, adnak vioŭ kamunikacyju vyklučna ŭ miesiendžary i admoviŭsia ad afarmleńnia jakich-niebudź dakumientaŭ.
Na samaj spravie ŭ kvaterach žančyn pracavali pryłady, z dapamohaj jakich štodnia ździajśniałasia bolš za tysiaču zvankoŭ dla padmanu piensijanieraŭ. Kanfiskavanyja 4 sim-boksy i sim-bank ahulnaj umiaščalnaściu bolš za 250 sim-kart. Milicyja vyśviatłaje inšych udzielnikaŭ złačynnaj schiemy.
«Prośby ad ananimaŭ ź internetu ŭstanavić nieviadomaje abstalavańnie ŭ vašym žylli — nahoda pierapynić znosiny i paviedamić pra heta ŭ milicyju», — padkreślili ŭ MUS.
Ciapier čytajuć
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń52
Kamientary