U Vjetnamie ŭ vyniku tajfunu Buałoj i vyklikanych im pavodak na poŭnačy i ŭ centralnych rajonach krainy zahinuła jak minimum 51 čałaviek. Jašče 14 ličacca źnikłymi bieź viestak. Takija danyja padaje ahienctva Reuters sa spasyłkaj na ŭradavy Departamient pa likvidacyi nastupstvaŭ stychijnych biedstvaŭ.
Akramia zahinułych, paviedamlajecca pra nie mienš za 164 paranienych.
Tajfun nakryŭ paŭnočnaje i centralnaje ŭźbiarežža Vjetnama ŭ paniadziełak, 29 vieraśnia, vyklikaŭšy mocnyja chvali, škvalny viecier i intensiŭnyja daždžy.
Pavodle źviestak urada, bolš za 230 tysiač damoŭ byli paškodžanyja abo zatoplenyja, a amal 89 tysiač hiektaraŭ paloŭ z rysam i inšymi sielskahaspadarčymi kulturami źniščanyja. Taksama tajfun surjozna paškodziŭ darohi, škoły i ofisy, pryvioŭ da pierabojaŭ u elektrazabieśpiačeńni — dziesiatki tysiač siemjaŭ zastalisia bieź śviatła.
Ahulnyja materyjalnyja straty ad tajfunu i pavodak u Vjetnamie aceńvajucca ŭ 15,9 tryljona donhaŭ (kala 603 miljonaŭ dalaraŭ ZŠA). Cientralny bank krainy daŭ ukazańnie finansavym ustanovam razhledzieć mahčymaść restrukturyzacyi abo zamarožvańnia kredytaŭ dla miascovych kampanij, jakija paciarpieli ad Buałoja.
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary
Ale pamiać pra vydaču bajca pałka Kalinoŭskaha - taksama.
Charošaj pahody vam, siabry hvałtaŭnikoŭ i zabojc.