Amal tysiača rasijskich vajskoŭcaŭ, jakija pryjšli z vajny, stali fihurantami spraŭ ab zabojstvach
Pavodle rasśledavańnia vydańnia «Miedyjazona», z 2023 hoda ŭ rasijskija vajskovyja sudy pastupiła nie mienš za 989 kryminalnych spraŭ pavodle artykułaŭ ab zabojstvie i naŭmysnym pryčynieńni ciažkich cialesnych paškodžańniaŭ, što pryviali da śmierci.
Kolkaść prysudaŭ u adnosinach da vajskoŭcaŭ pa hetych artykułach rezka ŭzrasła ŭ 2023 hodzie. Tady sudy vynieśli rekordnuju kolkaść prysudaŭ za zabojstvy, ciažkija paboi i hvałtoŭnyja dziejańni.
U 2023‑m asudzili 266 vajskoŭcaŭ (u 2022‑m było tolki 38), u 2024‑m — 346 čałaviek, a za pieryjad z studzienia pa vierasień 2025 hoda ŭ sudy ŭžo pastupiła 377 novych spraŭ.
«Miedyjazona» padkreślivaje, što harnizonnyja sudy razhladajuć tolki spravy suprać vajskoŭcaŭ. U toj ža čas akruhovyja i fłockija sudy mohuć razhladać i zabojstvy suprać cyvilnych abo zamiežnych vajennapałonnych — hetyja vypadki ŭ padliki nie ŭklučalisia.
Raniej, u lutym, vydańnie «Viorstka» paviedamlała, što za try hady vajny rasijskija sałdaty, jakija viarnulisia z Ukrainy, zabili i pakalečyli bolš za 750 čałaviek u Rasii. Pry hetym zahinuła nie mienš jak 378 čałaviek, a jašče 376 atrymali ciažkija traŭmy.
Bolšaść złačynstvaŭ adbyvalisia ŭ pabytovych umovach, najčaściej suprać svajakoŭ i znajomych, a ŭ mnohich vypadkach — pad uździejańniem ałkaholu.
Z 334 viadomych vypadkaŭ sa śmiarotnym vynikam za try hady, 166 byli zabojstvami (196 zahinułych), a jašče 112 — vypadkami ciažkich pabojaŭ, jakija taksama pryviali da śmierci.
Za vierasień u prajekcie «Horiuško» dadałosia amal 10 tysiač imion zahinułych rasijskich vajskoŭcaŭ
«Ja ŭmieju zabivać. Tut mianie za heta nie asudziać». Va USU taksama słužać źniavolenyja, jakija pramianiali turmu na pole boju
«Viarnuli jak bydła». Vyzvalenych rasijskich pałonnych adrazu adpraŭlajuć nazad na vajnu
Nazvanyja 13 rasijskich kamandziraŭ, datyčnych da złačynstvaŭ u Bučy
Kamientary
-putin
- Jaśka-haspadar z-pad Vilni