Za vierasień u prajekcie «Horiuško» dadałosia amal 10 tysiač imion zahinułych rasijskich vajskoŭcaŭ
U vieraśni va ŭkrainskim prajekcie «Horiuško», jaki zajmajecca padlikam kolkaści zahinułych rasijskich vajskoŭcaŭ na padstavie analizu niekrałohaŭ pa ich, dadałsia ažno 9320 pazicyj.
Hety rekord, praŭda, nie śviedčyć pra toje, što mienavita sioletni vierasień staŭ najbolš śmiarotnym miesiacam dla rasijskaj armii, bo siaredniaja zatrymka ad śmierci da źjaŭleńnia na «Horiuškie» składaje niekalki miesiacaŭ. Jak śćviardžajuć u prajekcie, ciapier analizujucca niekrałohi za maj, červień i lipień, a rekordy, jakija staviacca apošnija miesiacy (u lipieni dadałosia 6630 čałaviek, a ŭ žniŭni — 7100), tłumačacca pavieličeńniem ahulnaj kolkaści tych ludziej, jakija nad hetym pracujuć.
Usiaho ŭ prajekcie «Horiuško» za ŭvieś čas naličyli ŭžo bolš za 140 tysiač niekrałohaŭ. Prytym siudy nie ŭvachodziać śmierci tych, chto vajavaŭ u vajskovych farmavańniach «DNR» i «ŁNR», a taksama vajskoŭcaŭ z KNDR i inšych inšaziemcaŭ.
Pakolki daloka nie pra ŭsich zahinułych rasijskich vajskoŭcaŭ publična paviedamlajuć, publikujučy niekrałohi, realnaja kolkaść zahinułych našmat bolšaja.
Tak, vydańni «Mieduza» i «Miedyjazona», vyvučyŭšy danyja pra straty pa imiannym śpisie zahinułych i pa rejestry spadčynnych spraŭ, pryjšli da vysnovy, što da žniŭnia 2025 hoda rasijskija straty ŭ vajnie z Ukrainaj skłali kala 220 tysiač čałaviek zabitymi.
«Viarnuli jak bydła». Vyzvalenych rasijskich pałonnych adrazu adpraŭlajuć nazad na vajnu
U Mielitopali HUR padarvaŭ «buchanku» z rasijskimi apieratarami dronaŭ
Načalnik rasijskaha Hienštaba zajaviŭ, što Rasija budzie praciahvać vajnu
Da žniŭnia 2025 hoda na vajnie zahinuła kala 220 tysiač rasijan — acenka «Miedyjazony» i «Mieduzy»
Kamientary