Minčuka pasadzili na 10 sutak za toje, što paŭdzielničaŭ u konkursie treš-błohiera Mellstroy
Chłopiec u trusach biehaŭ pa horadzie, a paśla skoknuŭ u vadu.
Treš-błohier Mellstroy (Andrej Burym z Homiela) niekalki dzion tamu abviaściŭ konurs kreatyŭnych videa ŭ tyktoku — zaklikaŭ pijaryć svoj prajekt. Abiacaŭ ciaham miesiaca štodzień nabyvać kvateru tyktokieru, videa jakoha bolš za ŭsio jamu spadabajecca.
Mnohija paŭdzielničali — u Biełarusi ŭ vyniku niekatorych stali zatrymlivać. Adzin z chłopcaŭ raspranuŭsia da trusoŭ i biehaŭ pa horadzie, a paśla skoknuŭ u vadu. Paśla videa da jaho pryjšli.
Chłopca sudzili 21 kastryčnika ŭ sudzie Frunzienskaha rajona Minska za drobnaje chulihanstva (administracyjny artykuł 19.1).
«D., 19 kastryčnika 2025 hoda, hrebujučy ahulnapryniatymi normami i praviłami pavodzin u hramadstvie, znachodziačysia ŭ hramadskim miescy ŭ horadzie Minsku ŭ nižniaj bialiźnie, hučna kryčaŭ, vykazvaŭsia niecenzurnaj łajankaj, čym parušyŭ hramadski paradak i vykazaŭ jaŭnuju niepavahu da hramadstva», — hučała abvinavačańnie.
Chłopiec patłumačyŭ, što prosta rašyŭ paŭdzielničać u konkursie błohiera Mellstroy. Kupiŭ markier u kramie, napisaŭ na tułavie niknejm błohiera i skoknuŭ u trusach u štučny vadajom. Usio heta chłopiec zapisaŭ na videa.
Sud daŭ minčuku 10 sutak administracyjnaha aryštu.
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary