Viačorka: Ideja ź vialikaj ździełkaj ad Łukašenki mianiaje ŭvieś farmat
Hałoŭny daradca Śviatłany Cichanoŭskaj u efiry ŭčora «Obyčnoje utro» raspavioŭ pra praciah pieramovaŭ pa vyzvaleńni palitviaźniaŭ, rolu demakratyčnych siłaŭ i jakija jość palityčnyja karty ŭ demakratyčnych siłaŭ.
«Novaja ideja ź vialikaj ździełkaj» ad Łukašenki moža paŭpłyvać na farmat i navat naškodzić pracesu pieramovaŭ. Ale važna skazać, što praces nie spyniajecca. Našaja zadača zastajecca niaźmiennaj — vyzvalić maksimum, a lepš usich ludziej i dabicca spynieńnia represijaŭ», — skazaŭ Franak Viačorka.
Pa jaho słovach, amierykancy «heta robiać u pieršuju čarhu dla nas, bo našyja palitviaźni patrebnyja biełaruskamu hramadstvu, a nie im ci Jeŭropie. Ale amierykancy viedajuć, što kali jany vyzvalać ludziej z turmaŭ — jany atrymajuć palityčnyja ački i heta budzie demanstracyjaj amierykanskaha lidarstva».
Daradca Śviatłany Cichanoŭskaj zaznačaje, što była ŭmova, kab nie było pieraśledu tych siemjaŭ i palitviaźniaŭ, jakija byli vyzvalenyja pa abmienie.
«Heta była naša prośba da amierykancaŭ i my viedajem, što amierykanski bok hetaje pytańnie rehularna stavić. Kab ludzi mieli prava zastacca, kab siemji vyzvalenych nie represavali, kab źniatyja byli abvinavačvańni, kab ludziam davali na ruki dakumienty, a nie adbirali. Amierykancy viedajuć pra ŭsie-ŭsie hetyja žachi, jakija robić łukašenkaŭski režym. Jany viaduć hetyja pieramovy ź vielmi ciažkim bokam, jaki bačyć palitviaźniaŭ tolki jak niejki tavar dla handlu. U toj čas, kali amierykancy bačać u hetym humanitarnuju misiju», — dadaŭ Franak Viačorka.
Ciapier čytajuć
Deputat Kliševič staŭ kandydatam histaryčnych navuk z dysiertacyjaj pra razłažeńnie biełaruskaha kamsamoła ŭ časy «pierabudovy»7
Deputat Kliševič staŭ kandydatam histaryčnych navuk z dysiertacyjaj pra razłažeńnie biełaruskaha kamsamoła ŭ časy «pierabudovy»
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary