Biełarus raskazaŭ, jak byŭ hidam u Dudzia na Madejry — jeli draniki ŭ bary i hulali ŭ futboł na stadyjonie Ranałdu
Daniił Kasienka nie pieršy hod vozić turystaŭ na Madejru, pracuje hidam i arhanizataram turaŭ. Niadaŭna chłopiec papracavaŭ razam ź Juryjem Dudziom — zorka ruskamoŭnaha jutuba pajechaŭ na Madejru zaprošanym hościem u tym ža tury, dzie pracavaŭ i Daniił. Chłopiec raskazaŭ «Našaj Nivie» pra ŭražańni ad supracoŭnictva.
U tura, kaža Daniił, było dźvie mety — nie tolki pabačyć Madejru, ale i pakamunikavać z Dudziom. Za siem dzion na vostravie ŭ kampanii błohiera inšyja ŭdzielniki tura zapłacili pa $12500.
Sam Kasienka dobra viedaje Madejru i navat žyvie tam bolšuju častku hoda. Tamu jon i pracavaŭ hidam u tury.
Ad tura ŭ chłopca šmat uražańniaŭ, i nie ŭ apošniuju čarhu praz toje, što atrymałasia papracavać z Dudziom:
«Jon vielmi ščyry, vielmi intelihientny i razumny, z dobrym pačućciom humaru, uvažlivy da detalaŭ i ludziej. Staviŭsia da kožnaha z pavahaj, namahaŭsia dla kožnaha znajści čas, kab ź im parazmaŭlać».
Dudź addaŭ šmat hadoŭ spartovaj žurnalistycy, jon šmat viedaje pra futboł i lubić u jaho hulać. Udzielnikam tura jon taksama prapanavaŭ zhulać u futboł, atrymałasia zładzić dźvie hulni, pryčym adna ź ich — na stadyjonie, dzie niekali pačynaŭ karjeru Kryšcijanu Ranałdu.
Daniił raskazvaje, što jaho nie chacieli puskać u tuju apošniuju hulniu — kazali, jon patrebny ŭ inšaj častcy vostrava, kudy pajechali astatnija ŭdzielniki tura. Ale jaho jakraz adstajaŭ Dudź: maŭlaŭ, zamieny niama, i biez Daniiła hulnia nie atrymajecca. Skončyłasia tym, što Kasienka zabiŭ pieramožny hoł i vyrvaŭ pieramohu ŭ kamandy Dudzia.
Udzielniki tura zavitali ŭ bar Who is Betty, jakim vałodaje biełarus Maksim Charošyn.
Toj pačastavaŭ ich dranikami, čym vielmi ŭraziŭ Juryja — błohier kazaŭ, što nie jeŭ draniki ŭžo try hady, i nie čakaŭ, što zmoža ich pakaštavać u bary na Madejry.
«Mianie ŭraziła, što Dudź razumieje ŭkrainskuju movu i trochi razmaŭlaje na joj. Ździviŭ tym, što jon taki svoj u došku, ź im pryjemna razmaŭlać na lubuju temu, jon viedaje vielmi šmat usiaho.
Jašče ździviŭ tym, što jon sapraŭdy kłasna hulaje ŭ futboł, dobra bačyć pole, jon byŭ kapitanam svajoj kamandy.
Šmat žartavaŭ, nie raz kazaŭ pra siamju i kaštoŭnaści», — raskazvaje Daniił pra rasijskaha błohiera.
Pavodle słoŭ chłopca, Dudź raskazvaŭ jamu pra svaje cudoŭnyja ŭražańni ad biełarusaŭ, jakich jon sustrakaŭ u Jeŭropie.
Inšymi ŭdzielnikami tura byli ruskamoŭnyja hości z roznych krain, bolš za 20 čałaviek:
«Usie hetyja ludzi pryjemnyja, paśpiachovyja ŭ svaich spravach, bolšaja častka prylacieła ź Jeŭropy. Jany dzialilisia svaim žyćciovym dośviedam u kułuarnych razmovach. Dla mianie heta było karysna — pahutaryć ź ludźmi, jakija zdoleli ŭ žyćci damahčysia pośpiechu, daviedacca, jak jany myślać. Udziačny za takuju mahčymaść i ich parady».
«Naša Niva» — bastyjon biełaruščyny
PADTRYMAĆCiapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB3
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»2929
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»29
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary