Biełaruski hulec uvachodzić u top-5 samych ciažkich chakieistaŭ Nacyjanalnaj chakiejnaj lihi
Vaha Alaksieja Protasa składaje 113,4 kh.
Biełaruski forvard «Vašynhtona» Alaksiej Protas uvachodzić u lik samych ciažkich hulcoŭ NCHŁ. Vaha forvarda składaje 113,4 kh.
U Paŭnočnaj Amierycy ličycca ŭsio ŭ funtach, u Alaksieja roŭna 250 funtaŭ.
Heta piataje miesca ŭ Lizie, zaŭvažyŭ «Biełaruski chakiej».
Samym ciažkim u hetym siezonie ličycca Met Rempie («Ńju-Jork Rejndžers») — 118,4 kh. U Mikity Zadorava («Bostan») — 115,7 kh, u Džejmi Aleksiaka («Sietł») i Elmiera Siederbłuma («Detrojt») vaha pa 114,3 kh.
Na šostym miescy Entani Stołarz z «Taronta» — 112,5 kh.
Varta zaznačyć, što Alaksiej vydatna pačaŭ siezon. U siami hulniach u jaho čatyry hały i čatyry halavyja pieradačy, kaeficyjent karysnaści +5.
A voś u Jahora Šaranhoviča z «Kałhary» siezon nie zadaŭsia, zakinutych šajbaŭ niama, tolki adzin halavy asist, i navat dva prapuščanyja matčy.
Kamientary