Tramp: ZŠA rychtujucca pačać suchaputnuju vajennuju apieracyju ŭ Vieniesuele
Heta, mahčyma, budzie zroblena dla baraćby z narkakartelami.
ZŠA rychtujucca pačać suchaputnuju vajennuju apieracyju ŭ Vieniesuele, zajaviŭ prezident ZŠA Donald Tramp.
Pra heta jon skazaŭ na pasiadžeńni, pryśviečanym razhladu pramiežkavych vynikaŭ abvieščanaj Biełym domam «vajny z narkakartelami».
Raniej Trampa pytali, ci chacieŭ by toj źmieny režymu ŭ Vieniesuele.
«My pra heta nie havorym», — adkazvaŭ prezident ZŠA. «Ale my havorym pra toje, što ŭ [Vieniesuele] prajšli vybary, jakija, miakka kažučy, byli vielmi dziŭnymi», — Tramp, majučy na ŭvazie prezidenckija vybary letaś i abvinavačvańni ŭ falsifikacyi vynikaŭ.
Telekampanija CNN paviedamlała, spasyłajučysia na krynicy, što Tramp razhladaje mnostva varyjantaŭ naniasieńnia vajennych udaraŭ pa narkakartelach, jakija dziejničajuć u Vieniesuele, uklučajučy mahčymy ŭdar pa celach unutry krainy ŭ ramkach bolš šyrokaj stratehii, nakiravanaj na pasłableńnie prezidenta krainy Nikałasa Madury.
U pačatku vieraśnia ZŠA nanieśli ŭdar pa sudnie ŭ mižnarodnych vodach, jakoje, jak zajaviŭ Tramp, pieravoziła narkotyki ŭ paŭdniovaj častcy Karybskaha mora. Zahinuli 11 čałaviek, sudna zatanuła.
Kamientary