Palitźniavolenaja Alena Łazarčyk, jakaja adbyvaje pakarańnie ŭ žanočaj kałonii № 24 u Zareččy, patrapiła ŭ PKT — pamiaškańnie kamiernaha typu, kudy na praciahły termin źmiaščajuć asudžanych, jakija nibyta parušajuć paradak i nie vypraŭlajucca paśla pakarańnia ŭ štrafnym izalatary, kudy farmalna mohuć nakiroŭvać da 15 sutak, piša Radyjo Svaboda.
Pierad hetym Alena Łazarčyk znachodziłasia ŭ ŠIZA, ale kolki i za jakuju «pravinnaść», nieviadoma.
«Jana ciapier u PKT i kolki heta praciahniecca, nieviadoma. Schudnieła, składana sa zdaroŭjem. Sustreč z advakatam nie pradbačycca», — paviedamiła krynica pra Alenu Łazarčyk.
Alenie Łazarčyk 51 hod, jana ŭdava aktyvista demakratyčnaha ruchu, abaroncy Kurapat Sieržuka Mackojcia, jaki pamior u 2023 hodzie.
U 2022 hodzie Alena Łazarčyk była asudžanaja na 8 hadoŭ źniavoleńnia pa čatyroch artykułach Kryminalnaha kodeksu ŭklučna z 342 («Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich»).
Łazarčyk adbyvała pakarańnie ŭ homielskaj žanočaj kałonii, dzie pavodle źviestak «Viasny» praviała bolš za 90 dzion u ŠIZA. Uviesnu 2025 hoda Alenie Łazarčyk dadali da raniejšaha terminu jašče 1,5 hoda pa 411 artykule KK («Złosnaje niepadparadkavańnie patrabavańniam administracyi papraŭčaj ustanovy»), ahułam jana asudžanaja na 9,5 hoda źniavoleńnia
Na voli ŭ žančyny zastajecca niepaŭnaletni syn Arciom, jakim apiakujucca svajaki.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary