U Dokšycach jepiskapa sustreli dyvanom z žyvych kvietak. U tyktoku aburylisia
U carkvie ŭ Dokšycach prajšło prastolnaje śviata Pakrova Baharodzicy, jakoje adznačajuć 14 kastryčnika. Da pryjezdu jepiskapa Połackaha i Hłybockaha Ihnacija prychadžanie vykłali vielizarny dyvan z žyvych kvietak. Heta vyklikała burnuju reakcyju ŭ karystalnikaŭ tyktoku, zaŭvažyła BGmedia.
Niekatoryja ludzi aburalisia dyvanom z žyvych kvietak, ličyli takija vydatki niepatrebnymi.
«Lepš by biednym kupili pajeści za hrošy, jakija vydatkavali na hetyja adnarazovyja kvietki dla noh dziadźki z pałkaj», — pisali adny.
«Navošta ŭsio heta? Uładyka što, Boh? Heta ŭžo pierabor!», — aburalisia kamientatary.
Inšyja zastupalisia za viernikaŭ:
«Hetyja kvietki jany vyroščvajuć sami, ludzi ad dušy prynosiać kvietki, dziakujuć Bohu i ŭsim śviatym, mienavita chramy i manastyry kormiać biazdomnych, dzietak biezdahladnych vychoŭvajuć, ludziam biazdomnym prytułak dajuć, sami ŭtrymlivajuć, biaspłatna absalutna, a jany pracujuć na karyść chrama, prybirajuć, hatujuć, hladziać za terytoryjaj, za paradkam, a vy nie budźcie drobiaznymi i nikoha nie asudžajcie».
Ludzi ŭ kamientarach, adnak, nadalej spračalisia — ci narmalna chadzić pa dyvanie z žyvych kvietak, tym bolš jepiskapu, bo «jon ža manach, i raskoša jamu pavinna być čužaja».
«Nakštałt dyvana, ale, kali pryhledziecca, jon, naadvarot, staraŭsia nie nastupać na kvietki, a chadziŭ pa ściobłach».
«Pa asfalcie jamu nielha było prajści?»
«Vielič biskupa — heta śviedčańnie vieličy jaho dyjacezii. Kali jepiskap budzie žyć ścipła, to i ŭsio duchavienstva budzie biedavać. A tut vidać, što dyjacezija ćvicie i pachnie».
«Kłasnaja relihija — usie roŭnyja, usich stvaryŭ Boh, ale śviatar — uładyka, a niavierniki dy adstupniki trapiać u piekła, kłasnaje raŭnapraŭje».
«Abaviazak jepiskapa — słužyć słužbu, čamu prychod pavinien marnatraŭna vydatkoŭvać srodki viernikaŭ, kab załahodzić adnaho čałavieka? Viadoma, my pryznajem jaho apostalskaje pryjomstva i dziakuj, što pryjechaŭ malicca ź ludźmi, i pavažajem jaho jak čałavieka, ale apostały nie byli takimi, jak siońniašni jepiskapat».
«Mnie padałosia, jon pa stale z sałatami idzie».
«Pad nohi achviaravańni viernikaŭ. Lepš by dziciačamu prytułku dapamahli».
«Pravasłaŭnyja cerkvy ŭ Zachodniaj Biełarusi zakryvalisia». A kolki ž było cerkvaŭ u BSSR i kolki — u Zachodniaj Biełarusi pa stanie na 1939 hod?
Pravasłaŭny archijepiskap, jaki vitaŭ Pucina na Alascy, paprasiŭ za heta prabačeńnia
U Homieli pastavili pamiatny znak pravasłaŭnamu archijepiskapu
RPC aśviaciła charuhvu HUBAZiKa FOTAFAKT
U Navapołacku RPC adkryje śpiecyjalny chram dla dziaciej
Kamientary