Nacbank upieršyniu za try z pałovaj hady pravioŭ pieramovy z MVF
U piatnicu, 17 kastryčnika, u Nacyjanalnym banku Biełarusi adbylisia pieramovy z pradstaŭnikami Mižnarodnaha valutnaha fondu. Sustreča prajšła ŭ anłajn-farmacie. Jak paviedamlaje pres-słužba Nacbanka, heta pieršyja pieramovy z MVF za 3,5 hoda.
Pieramovy adbylisia pa zaprašeńni Vašynhtona.
— Pa-pieršaje, za apošnija hady źjaviŭsia šerah pytańniaŭ, jakija nieabchodna abmierkavać. A pa-druhoje, pryniać šerah rašeńniaŭ dla našaha dalejšaha plonnaha supracoŭnictva, — skazaŭ pieršy namieśnik staršyni praŭleńnia Nacbanka Alaksandr Jahoraŭ. — My hatovyja abmierkavać usie pytańni.
Alaksandr Jahoraŭ taksama dadaŭ, što Nacbank padrychtavaŭ da sustrečy dakład ab ciapierašniaj makraekanamičnaj situacyi, kab prainfarmavać Fond ab tych tendencyjach, što adbyvajucca ŭ hrašova-kredytnaj śfiery.
Biełaruś źjaŭlajecca členam MVF z 1992 hoda. Za hety čas naša kraina atrymała padtrymku $3,8 młrd. Apošni kredyt byŭ vydadzieny ŭ 2009—2010 hadach na $3,5 młrd.
Biełaruś poŭnaściu raźličyłasia z MVF. Zaraz naša kraina nie realizuje finansavyja prajekty z Fondam.
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary