Aŭkcyjonny dom Christie's zaviaršyŭ Łondanski viačerni aŭkcyjon tvorami sučasnaha mastactva i impresijanistaŭ. Padčas jaho pradali niekalki karcin Marka Šahała. Pry hetym adna ź ich syšła z małatka za sumu amal udvaja bolš kansiervatyŭnaj acenki, piša Office Life.
Samaj darahoj pradadzienaj rabotaj viciebskaha mastaka stała karcina «Dreva ŭ sadzie». Šahał napisaŭ jaje ŭ 1957 hodzie, kali žyŭ na poŭdni Francyi razam sa svajoj žonkaj Valancinaj Brodskaj.
Liryčnaje pałatno z charakternymi dla tvorčaści mastaka matyvami aceńvali ŭ $1,6 — 2,4 miljona, a pradali za $3 miljony.
Druhaja karcina Marka Šahała znajšła novaha ŭładalnika za $2,03 miljona pry acency ŭ $1,6—2,4 miljona.
Mastak napisaŭ «Zimovaje nieba» pamiž 1942 i 1949 hadami. Karcina adlustroŭvaje ŭnutranyja pieražyvańni Šahała z nahody pierajezdu ŭ ZŠA z-za Druhoj suśvietnaj vajny, śmierci pieršaj žonki Beły i źjaŭleńnia ŭ jaho žyćci novaj žančyny, jakaja naradziła jamu syna.
Treciaja rabota mastaka była pradadzienaja krychu daražej za aptymistyčnuju acenku.
Šahał napisaŭ «Zaručanych z čyrvonym aniołam» u 1937—1938 hadach. Na karcinie jon namalavaŭ siabie i svaju pieršuju žonku Bełu na fonie viciebskich dachaŭ.
Pieršapačatkova hetuju karcinu aceńvali ŭ $1,2—1,6 miljona, a pradali za $1,7 miljona.
Z aŭkcyjonu pradajuć kalekcyju karcin Viktara Babaryki. U tym liku tvory Lubiča i Zaka
Fanaty Tejłar Śvift hadajuć, što značyć kniha pra Šahała, Maleviča i Lisickaha, zaŭvažanaja ŭ anonsie da jaje novaha alboma
Śpiavačka Kacia IOWA apranułasia pa matyvach karciny Šahała «Prahułka» FOTA
Na aŭkcyjonie pradali karcinu Šahała amal za 3,5 miljona dalaraŭ
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary