U minskaj Kamaroŭki źjaviŭsia kankurent. Jakija ceny na hetym «sakretnym» rynku?
Nie ŭsie viedajuć, ale pad Minskam u handlova-zabaŭlalnym centry Expobel jość aptova-roźničnaja baza harodniny i sadaviny. Pracuje jana sa žniŭnia 2024-ha. Tochka.by daviedałasia, što tam cikavaha, jakija ceny i ci varta naohuł tudy jechać.
Pakul dabralisia — zabłukali
Zajechać na rynak možna na mašynie z terytoryi handlovaha kompleksu abo prylehłaj darohi Zasłaŭje — Kałodziščy. Kali vy nie na mašynie, to da Zialonaha Łuha chodzić hramadski transpart, a dalej — treba prajści 10‑15 chvilin da zapavietnaha punkta.
Pakazalniki jość, ale možna pabłukać na terytoryi vializnaha rynku. Žurnalist adpraviŭsia tudy nie ŭpieršyniu, ale ŭsio adno zhubiŭsia.
Voś i baza. Pieršaje ŭražańnie: nievialiki vybar tavaraŭ. Nijakaj ekzotyki, tolki samyja nieabchodnyja pradukty. Moža, ceny niečym ździviać?
Abiacajuć šykoŭnyja źnižki
Samy chadavy tavar hetaj vosieni — bulba — pradajecca pa Br1,1 — 1,3 za 1 kh. Vyhadna možna nabyć buraki — pa Br 0,5—1,5, morkvu — pa Br 0,5—2 i cybulu — pa Br 1,5—2.
Cikaviła pakupnikoŭ i kapusta.
«Kolki za kiłahram?» — nastojliva ŭdakładniała piensijanierka.
Adkaz: Br1,5. Cana joj, mabyć, nie spadabałasia. Pakupnica niezadavolena pahladzieła, raźviarnułasia i pajšła. Ale kali trochi pachadzić, to na susiednim pryłaŭku možna znajści biełakačannuju i na 30 kapiejek tańniej.
Vybaru ahurkoŭ, jak i ŭsiudy, praktyčna niama. Ich prapanujuć pa Br5—6 za kiło, pierac — pa Br3,5—5,5, pamidory — pa Br1,5—14.
Jarkija bakłažany pradajuć pa Br4,5—6 za 1 kh, kabački — pa Br4—5,kukuruzu — pa Br1,5, časnok — pa Br13,5—20. U adnym miescy znajšlisia hryby, ale tolki šampińjony. Ich možna nabyć pa Br11,5.
Dzie-nidzie jość i zielanina — piatruška, krop, cybula. Za ich prosiać Br20—25 za 1 kh.
Darečy, tut možna kuplać i optam. Ale ŭsio indyvidualna, jak zmožacie damovicca z pradaŭcami. Niekatoryja abiacajuć šykoŭnyja źnižki.
Pasprabavali źbić canu — na bulbu sastupili 10 kapiejek z kiłahrama pry ŭmovie kupli vialikaha miaška.
Jabłykaŭ navałam
Što tyčycca sadaviny, to apielsiny pradajucca pa Br8,9—12 za 1 kh, limony — pa Br10,9—14,5, mandaryny — pa Br12—15.
Dyni i kavuny, pa acency žurnalistaŭ, nie vielmi. Ceny na ich — Br1,99 i Br1,5 za kiło adpaviedna.
Apošnija piersiki kaštujuć Br12 za 1 kh, a niektaryny ŭdvaja tańniejšyja — pa Br6. Darečy, jabłykaŭ u paraŭnańni ź inšaj sadavinoj tut samy vialiki vybar. Kupić ich možna ad Br2,5 da Br7,5.
Sakavityja hranaty prapanujuć pa Br10—20 za kiło, kivi — pa Br12, churmu — pa Br8—13, vinahrad — pa Br6—17.
U cełym aptova-roźničnaja baza harodniny i sadaviny vybaram nie ździviła. Ale ŭsio nieabchodnaje tut u pryncypie jość. Niekatoryja tavary pradajucca i vielmi tanna.
Hryby, žuraviny, aharodnina. Biełkaapsajuz raskazaŭ, kolki možna zarabić na prodažy ŭradžaju
U Polščy chtości raspaŭsiudziŭ čutki, što fiermier biaspłatna razdaje bulbu. Ludzi pryjšli i skrali 150 ton
Zaćvierdžanyja maksimalnyja roźničnyja ceny na asnoŭnuju harodninu — tak zvany «nabor dla baršča»
Biełarus vyraściŭ hihancki pierac — pamieram z elektračajnik
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary