Pravasłaŭny archijepiskap, jaki vitaŭ Pucina na Alascy, paprasiŭ za heta prabačeńnia
Pravasłaŭny mitrapalit usioj Amieryki i Kanady Cichan (u śvieckim žyćci Mark Mołard) paviedamiŭ, što atrymaŭ aficyjnuju zajavu z prabačeńniami ad archijepiskapa Sitkinskaha i Alaskinskaha Alaksieja (Džona Trejdara) u suviazi z apošnimi padziejami ŭ jahonaj jeparchii. Padčas pryjezdu na Alasku prezidenta Rasii Uładzimira Pucina Alaksiej sustreŭsia ź im i mieŭ razmovu.
Mitrapalit Cichan u svaim paviedamleńni udakładniŭ, što sustreča, pra jakuju idzie havorka ŭ zajavie archijepiskapa Alaksieja, była arhanizavanaja pa jahonaj ułasnaj inicyjatyvie, biez dazvołu Sinoda i bieź viedama mitrapalita.
Cichan padkreśliŭ, što pavodle kanonaŭ jepiskap nie pavinien rabić takich dziejańniaŭ bieź viedama starejšaha ijerarcha. Tamu ŭčynak archijepiskapa Alaksieja nie adlustroŭvaje pazicyju Pravasłaŭnaj Carkvy ŭ Amierycy (PCA). Mitrapalit nahadaŭ, što z pačatku vajny PCA adkryta i nieadnarazova asudžała ahresiju suprać Ukrainy, maliłasia za mir i akazvała dapamohu paciarpiełym.
Archijepiskap Alaksiej u svajoj zajavie paprasiŭ prabačeńnia za bol, zamiašańnie i spakusy, jakija mahli vyklikać jaho dziejańni. Jon padkreśliŭ, što heta nie aznačaje źmieny pazicyi PCA adnosna vajny va Ukrainie i što jon jak člen Sinoda padparadkoŭvajecca jaho rašeńniam.
Alaksiej paviedamiŭ, što na minułym tydni padčas samitu ŭ Ankorydžy pryvitaŭ prezidenta Rasii Uładzimira Pucina ŭ duchu haścinnaści paśla troch dzion malitvaŭ za mir u jeparchii. Ale mnohija ŭspryniali hety žest jak stračanuju mahčymaść adkryta zapatrabavać spynieńnia vajny. Archijepiskap pryznaŭ hetu pamyłku i jašče raz paprasiŭ prabačeńnia ŭ tych, chto byŭ zasmučany ci pakryŭdžany jaho dziejańniami, asabliva ŭ tych, chto straciŭ blizkich u vajnie.
Jon padkreśliŭ, što biare na siabie poŭnuju adkaznaść za hety vypadak i zapeŭniŭ, što Carkva praciahvaje zaklikać viernikaŭ da malitvy, miłasernaści, miru i prymireńnia. Na Alascy, dadaŭ archijepiskap, asobnyja dni pryśviačajucca adpaviednym malitvam, a taksama śviatyja, jakija kaliści słužyli na hetaj ziamli, zaklikajucca da spryjańnia, kab chutčej pryjšoŭ mir.
Na zakančeńnie svajoj zajavy jon jašče raz źviarnuŭsia z prośbaj ab prabačeńni i pramoviŭ malitvu, kab Isus Chrystos jak maha chutčej spyniŭ krovapralićcie, suciešyŭ tych, chto straciŭ rodnych, viarnuŭ vyhnanych i prynios prymireńnie pamiž ludźmi.
Praz sankcyi rasijskaj delehacyi daviałosia na Alascy apłačvać paliva dla samalotaŭ hatoŭkaj. A heta sotni tysiač dalaraŭ
Tramp pryvitaŭ Pucina na Alascy bambardziroŭščykami, što bambili Iran
Tramp pieradaŭ Pucinu list ad Miełanii pra ŭkrainskich dziaciej
Niamiecki dypłamat: Pucin pieramoh na pieramovach z Trampam
Pucin i Tramp skončyli pieramovy. Tramp zajaviŭ, što ździełki pakul niama
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary